हक्क स्वातंत्र्याचा

जन्मतः मिळाला आम्हा
हक्क या स्वातंत्र्याचा ।
पारतंत्र्य असते काय
संबंध कुठे कशाचा ।
विचारांना आहे वाव
सांभाळ होतो मनाचा ।
अस्तित्वाचे भान कुठे
विचार फक्त जीवनाचा ।
Sanjay R.

नशीब

नसेल नशिबात तर
कुठे काय उरते ।
नियतीचा खेळ सारा
सारे आपोआप सरते ।
Sanjay R.

ग्रंथ

नियतीची चाल संथ
ठरलाच असतो अंत ।
सुख दुःख भोग सारे
आयुष्याचा होतो ग्रंथ ।
Sanjay R.

भारत देश माझा

भारत देश हा माझा
तिरंगा आमचे निशाण ।
मातृ भूमी ही माझी
वाटे मज अभिमान

जन गण मन हे
आमचे राष्ट्र गाण ।
मिरवतो गगनात
तिरंगा आमची शान ।

ज्ञान विज्ञान आमुचे
त्यात आमची शान ।
विश्व शांतीचा संदेश
करी आम्हास महान ।

देश निसर्गाने नटलेला
त्यात आमची शान ।
राम कृष्ण बुद्ध इथले
आहे किती महान ।

समृद्ध सम्पन्न किती
नाही कशाची वाण ।
खनिज सम्पदा किती
आहेत इथे खाण ।

स्वातंत्र्याचे वीर किती
दिले त्यांनी बलिदान ।
भरत भूच्या रक्षेसाठी
अर्पण अमचेही प्राण ।
Sanjay R.

माझा देश माझा तिरंगा

माझा देश
माझा अभिमान ।
घरोघरी तिरंगा
तोच त्याचा सम्मान ।
रंग तीन त्याचे
किती त्याची शान ।
प्रेरणा स्रोत आमचा
आम्हासाठी महान ।
तिरंगा आमची आहे
आन बान शान ।
Sanjay R.