जुने ते सोने

जुने जाऊन नेहमी
मिरवत नवे येते ।
टिकत नाही नवे
परत जुनेच येते ।

म्हणतात ना
नव्याचे नऊ दिवस ।
आणि जुन्यालाच
घालायचा नवस ।

जुने ते सोने
कोणी काही म्हणे ।
यायचेच आहे तिला
ती परत येतेय ।
Sanjay R.

ये रे ये तू परत

थकले रे डोळे आता
ये ना रे तू परत ।
त्राण न उरले आता
दिवस आले भरत ।

पैसा पैसा करशील किती
आई बाबा आहेत झुरत ।
तुझ्याविना जगतील कसे
म्हातारपणही आलं सरत ।

तुझ्याविना कुणाचा आधार
तुला करे नाही कळत ।
नजर तुझ्याच रे वाटेवर
श्वासही नाही ढळत ।

नाळ इतकी घट्ट किती
अशीच नाही रे तुटत ।
ये रे ये तू परत आता
प्राणही आता नाही सुटत ।
Sanjay R.

श्रद्धा

नको पैज नको कुठली स्पर्धा

काळजीने हो जीव होतो अर्धा ।

मेहनतीचेच तर हवे मज सारे

आहे माझी देवा तुझ्यावर श्रद्धा ।

Sanjay R.

रक्षा बंधन

एक धागा प्रेमाचा
माया ममता नात्याचा
वचन त्यात आहे रक्षेचे
बंधन आहे रक्षाबंधनचे
Sanjay R.

बहिणीची माया

मिळते भावाला
बहिणीची माया ।
असते बहिणीला
भावाची छाया ।
Sanjay R.