गाऊ कुठे

सर सर येऊन
गेला पाऊस ।
भिजले अंग
झाली हौस ।

ओल्या मातीचा
गंध सुटला ।
झाडावरचा
पक्षी उठला ।

जाऊ कुठे
मी धावू कुठे ।
काही सुचेना
गाऊ कुठे ।
Sanjay R.

श्रावण

श्रावणातला दिवस भारी
उन्हात पडतो पाऊस ।
खाण्याची असते चंगळ
फिटते सर्यांचीच हौस ।

नागपंचमी रक्षाबंधन
सणांचेच हे दिवस
जिकडे तिकडे आनंद
निसर्गही असतो सरस ।

फुलांना येतो बहर
रंग उधळतात सारे ।
रात्री फुलते आकाश
तिमतीम करतात तारे ।

श्रावणाची मजाच वेगळी
जिकडे तिकडे आनंद ।
बघून हिरवळ सारी
मनही होते धुंद ।
Sanjay R.

डोळ्यात पाणी

भावना या मनात
आठवणीतही कोणी ।
अव्यक्तच सारे
मन सारेच जाणी ।

कधी होतो व्यथित
आठवे कहाणी ।
हुंदका गळ्यात आणि
डोळ्यात पाणी ।
Sanjay R.

झुकझुक गाडी

आठवतात ते जुने दिवस

बालपण होते किती सरस ।

असेल जायचे मामाच्या गावी

झुकझुक गाडीची आठवण यावी ।

कुक कुक तिची शिट्टी वाजे

नेई साऱ्यांना गरीब असो वा राजे ।

बसायचे मस्त खिडकी पाशी

धावणारी झाडे द्यायचे खुशी ।

Sanjay R.

पाहुणी

गावी जायला एकच गाडी
बसेना कोणी चाले टवाळी ।
म्हणे कोणी भूत असतात
एकटे पाहून मगच दिसतात ।
एकदा मी8 बसलो गाडीत
दिसले भूत होते ते साडीत ।
भीतीने फुटला घाम अंगाला
गाडीचा वेग आला रंगाला ।
गाव येताच थांबली गाडी
बाई पण उतरली होती जाडी ।
निघालो मी मग गावाकडे
मागे मागे ती आणि मी पुढे ।
भीतीने पाय लटलट कापे
विचार डोक्यात छातीही हापे ।
झपझप चालत आलो गावात
तीही गेली मग बाजूच्या घरात ।
कळले मग ती पाहुणी होती
चुपच बसलो गेली मग भीती ।
Sanjay R.