डोळ्यात पाणी

भावना या मनात
आठवणीतही कोणी ।
अव्यक्तच सारे
मन सारेच जाणी ।

कधी होतो व्यथित
आठवे कहाणी ।
हुंदका गळ्यात आणि
डोळ्यात पाणी ।
Sanjay R.

झुकझुक गाडी

आठवतात ते जुने दिवस

बालपण होते किती सरस ।

असेल जायचे मामाच्या गावी

झुकझुक गाडीची आठवण यावी ।

कुक कुक तिची शिट्टी वाजे

नेई साऱ्यांना गरीब असो वा राजे ।

बसायचे मस्त खिडकी पाशी

धावणारी झाडे द्यायचे खुशी ।

Sanjay R.

पाहुणी

गावी जायला एकच गाडी
बसेना कोणी चाले टवाळी ।
म्हणे कोणी भूत असतात
एकटे पाहून मगच दिसतात ।
एकदा मी8 बसलो गाडीत
दिसले भूत होते ते साडीत ।
भीतीने फुटला घाम अंगाला
गाडीचा वेग आला रंगाला ।
गाव येताच थांबली गाडी
बाई पण उतरली होती जाडी ।
निघालो मी मग गावाकडे
मागे मागे ती आणि मी पुढे ।
भीतीने पाय लटलट कापे
विचार डोक्यात छातीही हापे ।
झपझप चालत आलो गावात
तीही गेली मग बाजूच्या घरात ।
कळले मग ती पाहुणी होती
चुपच बसलो गेली मग भीती ।
Sanjay R.

दरवळला गंध

मोगरा फुलला
घेऊन सुगन्ध ।
संथ झाला वारा
दरवळला गंध ।

हळुवार श्वास
वाहे मंद मंद ।

मन माझे झाले
कसे धुंद बेधुंद ।

नजर शोधते
लागला छंद ।
सुटला मनाचा
हळुवार बंध ।

वारा झाला धुंद
मीही बेधुंद ।
अंतरात भरला
मोगऱ्याचा गंध ।
Sanjay R.

रहस्यमयी जत्रा

कुणी कुणाशी बोलेना

जागेवरून हालेना ।

रहस्यमय ती होती जत्रा

भुताटकीची वाटे यात्रा ।

अचानक मग गोंधळ झाला

मृत आत्म्यांना चेव आला ।

जो तो पडला तुटून असा

बदल माणसात झाला जसा ।

माणुसकीला विसरले सारे 

राक्षसांचे घुसले वारे ।

गिधाड होऊन माणसात आले 

स्वर्ण पदक ते मिरवू लागले ।

Sanjay R.