रात्रीचा आभास

सरतो दिवस जेव्हा

वाटते उदास ।

आठवण येताच मग

संथ होतात श्वास ।

थांबतात विचार सारे

लागतो मनाला ध्यास ।

उतरेना गल्या खाली

दोन सुखाचे घास ।

तळमळत जाते रात्र

स्वप्नांचा सारा आभास ।

मिटतो गच्च डोळे 

भोगतो फक्त त्रास ।

Sanjay R.

मैत्री कट्टा

सांजवेळ होता
थांबवेना घरात ।
मन आत बाहेर
येरझारा होतात ।
गप्पांचा भरे अड्डा
मित्र सारे जमतात ।
चुकत नाही वेळ
सारेच भेटतात ।
निघे सारा थकवा
उत्साह भारतात ।
मित्रांची मैत्री बघा
मैत्रीसाठी जगतात ।
Sanjay R.

ओली ही सांजवेळ

ओली ही सांजवेळ
सरसर पडतात सरी ।
आकाशाने पांघरली
ढगांची ओली दरी ।
भिजली धरा त्यात
ओल्या मातीची जरी ।
सळसळ वाऱ्यासंगे
नाचते हिरवी परी ।
सूर्यास्ताची वेळ झाली
सूर्य पोचला अपुल्या दारी ।
दूर मंदिरात वाजे घंटा
नाद उठला जय जय हरी ।
Sanjay R.

सांजवेळ

सांजवेळ ही झाली

सूर्य निघाला अस्ताला ।

पसरली लाली चहूकडे

चढली धुंदी वाऱ्याला ।

चाहूल होता अंधाराची

पक्षी निघाले घरट्याला ।

तान्हुलेही वाट पाहती

देई साद अपुल्या मातेला ।

Sanjay R.

नकळत म्हातारपण आलं

दिवसामागून दिवस गेले

नकळत हे सारे झाले ।

बालपणातून तारुण्य आले

तरुण्याचे हो दिवस गेले ।

हाता पायात दुखणे आले

कळले आता वय झाले ।

शब्द आता छोटे झाले

चष्म्यातूनच बघणे आले ।

केसांनीही सोडला रंग

काळ्याचे ते पांढरे झाले ।

श्वास पुरेना चालायला ही

धडधड हृदय करू लागले ।

नकळत हो दात गेले

कळले आता काय झाले ।

वय झाले हो वय झाले

नकळत म्हातारपण आले ।

Sanjay R.