झेलून मी दुःख
बघतो सुखाची वाट ।
सुख दुरून जाते
बांधते दुःखाशी गाठ ।
बघतो जेव्हा जेव्हा
सुखाचा तिथे मी थाट ।
जणू सागराचा किनारा
जाते घेऊन सारेच लाट ।
सरी श्रावणाच्या येता
झुळझुळ वाहे पाट ।
शोधू कुठे मी आता
सुंदर तोच तो काठ ।
Sanjay R.
Thursday, July 28, 2022
बदला
घेतो कशाचा तू बदला
नाही मार्ग कुठे मधला ।
नशिबाचे भोग सारे
कोण यातून सुटला ।
हास्य जरी असेल गाली
पापण्यात थेंब दडलेला ।
न कळे अंतराची व्यथा
दिसतो कुणास रडलेला ।
Sanjay R.
काळोख
दुःख जन्माचे भोगतो
जीवन पिंजऱ्यात जगतो ।
नाही मोकळे आकाश
दिसतो काळा प्रकाश ।
वाटते भय आकृत्यांचे
वसले काय डोळ्यात ।
अंतरात होते धडधड
हुंदका दाटला काळजात ।
Sanjay R.
Wednesday, July 27, 2022
गोड तुझे अभंग
भक्तीत तुझ्या रे मी
आहे असा दंग ।
गेलो मिळून अवघा
झालो एक रंग ।
वाटे ठाई तुझ्याच
राहावे संग संग ।
गावे सदा तुझेची
गोड तुझे अभंग ।
स्मरण तुझेची होता
मीही व्हावे पांडुरंग ।
विठ्ठल विठ्ठल जपावे
नामात व्हावे दंग ।
Sanjay R.
नाही मनाला ठाव
नाही मनाला ठाव
घेईल कुठे ते धाव ।
बघताच वाटे हवे
असते सदाच हाव ।
विचारेल कोण कोणा
काय रे तुझे नाव ।
ठेवील आपला ठसा
मग खाईल किती भाव ।
सांगा जरा कोण तो
आहे आपलाच राव ।
जातो उधळून सारे
सोसतो गहिरा तो घाव ।
नका सांगू काही आता
मोडला त्याचा डाव ।
फिरवा धरून त्याला
कुठवर त्याची धाव ।
सर्यास सांगतो आता
चोर मी झालो साव ।
Sanjay R.
Subscribe to:
Posts (Atom)