हवी तुझी साद

वाद हा कशाचा

हवा थोडा संवाद ।

मूक मी कसा राहू

मनही करतं नाद ।

नको काही मज

फक्त हवी थोडी दाद ।

गैरसमज आहे सारा

हवी तुझी मज साद ।

Sanjay R.

गैर समज

काय तुझ्या मनात
कसा हा समज ।
अबोला वाटे मज
तुझाच गैर समज ।

कळेना तुझे विचार
बंद झाले दार ।
झेलु कसा मी भार
होता तुझाच आधार ।

बघतो दूर आकाशात
मनास वाटते चिंता ।
शोधतो उत्तर प्रश्नाचे
सुटेल कसा हा गुंता ।
Sanjay R.

वाळूचे घर

चिमणीचे घर मेणाचे
कावळ्याचे घर शेणाचे ।
एकदा पाऊस आला धावून
कावळ्याचे घर गेले वाहून ।
स्वप्न होते आमच्या बाळूचे
घर बांधायचे मग वाळूचे ।
येऊ दे पाऊस कितीही
हातपाय त्याचेच बांधायचे ।
गडबड केली पावसाने तर
सूर्याला जाऊन सांगायचे ।
बांधले घर मग बाळूने
मजला चढला वाळूने ।
पावसात गेले घर वाहून
सूर्याला सांगायचे गेले राहून ।
Sanjay R.

छंद लागला

छंद लागला मज
वेड म्हणू का त्याला ।
मोबाईल हातात सदा
जसा तो इश्कचा प्याला ।

चढते नशा मज त्याची
सांगू मी कुणाला ।
आनंदाला येते भरती
रिझवतो मीच मनाला ।

देहभान हरपून सारे
विसरतो मी जगाला ।
छंद हा सुटता सुटेना
तळमळ होते क्षणाला ।
Sanjay R.

राजेशाही

कोण राजा कोण रंक

सम्पला तो नाटकाचा अंक ।

राजा गेला उरली प्रजा

वाटेल तशी सुरू आहे मजा ।

राजा राणी कथेत उरली 

राजकुमारी केव्हाच हरली ।

मी मी म्हणतो राजकुमार

जगणे त्याचे चाले उधार ।

गेलेत सारे संत्री मंत्री

उरलेत फक्त पातळ तंत्रि ।

Sanjay R.