भरारी

कशी ही दुनियादारी
वाटे किती ही भारी ।
कळेना मन कुणाचे
आभास सारे विषारी ।
खुले हे आकाश सारे
घेऊ कशी मी भरारी ।
दूर गगनात फिरतो
वाटे मीच हो विचारी ।
Sanjay R.

धावा

लय झाला पाऊस
थाम्ब न रे बावा
वावरात निस्त पानी
करू कोनाचा धावा ।
घरात पानीच पानी
लेकरायचा पहा कावा ।
सारंच त डुबलं आता
कोण देईन  ठावा ।
Sanjay R.

लग्नाची बेडी

कशी असते सांगा
लग्नाची बेडी ।
स्वातंत्र्य हिरावते
गळ्यात पडते वेडी ।
वाढते मग जवाबदारी
अवस्था वाईटच थोडी ।
पण काळजी घेते ती
करते लाडी गोडी ।
धक्का बसतो कधी
इतकी काढते खोडी ।
सुखी जीवनाची असते
सोबत तिचीच जोडी ।
Sanjay R.

विश्वास

पडेल कसा कमी
माझा आत्मविश्वास ।
मोकळ्या हवेत मी
घेतोच आहे श्वास ।
नाही उरलेत आता
काही कशाचे ध्यास ।
स्मरण होताच तुझे
मिळतो मज विश्वास ।
Sanjay R.

आत्मविश्वास

मनात एकच ध्यास
करितो तयाचे प्रयास ।
अजूनही आहे विश्वास
भरतो एक एक श्वास ।
नाहीत आता आभास
आहे फक्त आत्मविश्वास ।
Sanjay R.