सात जन्माची जोडी

तुझी माझी आता ही
सात जन्माची जोडी ।
सुख दुःख घेऊ वाटून
त्यातच आहे गोडी ।
दूरचा आहे हा प्रवास
सागरात निघाली होडी ।
कुठे किनारा सागराचा
नेऊन लाट तिथे सोडी ।
Sanjay R.

तिथेच जुळते जोडी

नशिबाचा खेळ सारा
तिथेच जुळते जोडी ।
आयुष्यभर पुरते मग
अवीट संसारात गोडी ।
Sanjay R.

रिमझिम पाऊस

सांग असा कसा रे
तू पाऊस ।
कुठे पडतो नि......
कुठे पडत नाहीस ।

रिमझिम तू पडतो
वाटते किती हाऊस ।
झड लावतो जेव्हा
अंत नको रे तू पाहुस ।

वाट पाहतात सारे
तुझ्या येण्या अन जाण्याची ।
उमगते मग आम्हा
गरज किती रे पाण्याची ।

थेंब येतो जेव्हा डोळ्यात
हुंदका दाटतो गळ्यात ।
थेंब थेंब भिजून माती
अंकुर फुटतो मळ्यात ।
Sanjay Ronghe

मुक्ती आता हवी

थकलो कंटाळलो

मुक्ती आता हवी ।

जाऊ कुठे मी आता

हवी वाट एक नवी ।

रोजच असते सकाळ

पूर्वेला उगवतो रवी ।

रात्र असते काळी

बंधनात तू अवि ।

Sanjay R.

कुठे मुक्ती

बंधनातून या कुठे मुक्ती
निष्फळ होतील साऱ्या युक्ती ।

जीवनाचे तर रंग अनेक
नाही बंधन नाही सक्ती ।

मनात आहे एकच भाव
करतो मी तुझीच भक्ती ।

विश्वास माझा ढळला नाही
हवी मजला तुझीच शक्ती ।
Sanjay R.