मुक्ती आता हवी

थकलो कंटाळलो

मुक्ती आता हवी ।

जाऊ कुठे मी आता

हवी वाट एक नवी ।

रोजच असते सकाळ

पूर्वेला उगवतो रवी ।

रात्र असते काळी

बंधनात तू अवि ।

Sanjay R.

कुठे मुक्ती

बंधनातून या कुठे मुक्ती
निष्फळ होतील साऱ्या युक्ती ।

जीवनाचे तर रंग अनेक
नाही बंधन नाही सक्ती ।

मनात आहे एकच भाव
करतो मी तुझीच भक्ती ।

विश्वास माझा ढळला नाही
हवी मजला तुझीच शक्ती ।
Sanjay R.

हवे एक बंधन

नको आता मुक्ती
हवे एक बंधन ।
परत एकदा बघा
करा जरा मंथन ।

विचारांना नाही
कुणाचा लगाम ।
वागणूक झाली
किती ही बेफाम ।

नाही कुणाचा मान
विसरलो सन्मान ।
मिरवतात सारेच
स्वतःचा अभिमान ।
Sanjay R.

तांडव

करतात तांडव या लाटा

परततात आपल्या वाटा ।

असे कसे हे वादळ उठले

सोबत पाऊस वारे सुटले ।

नदी नाले ही बेफाम झाले

बुडऊन अंगण पाणी आले ।

जिकडे तिकडे पाणी पाणी

सांग पावसा तुझी कहाणी ।

होते नव्हते सारेच बुडले ।

घर कुठे ते छप्पर उडले ।

थाम्ब थाम्ब रे तू पावसा ।

रात्र झाली बघतो दिवसा ।

सूर्य कुठे तो कसा दिसेना 

भरले आभाळ  चूप बसेना ।

Sanjay R.

अंतर मनातले

नको दूर जाऊ
स्वप्न एक पाहू ।
अंतर मनातले
नको त्याचा बाऊ ।
धरून हात आता
सोबत थोडं धावू ।
जीवाला जीव हा
एना थोडा लावू ।
Sanjay R.