नाही आभास

तुझ्या आणि माझ्यात
असले जरी अंतर ।
मन झाले आहे एक
असते सोबत निरंतर ।
माझा आहेस तू श्वास
हृदयाचा तूच विश्वास ।
नाही कुठला आभास
सदा असतो तुझा ध्यास ।
Sanjay R.

मैत्री

मित्र तर मित्रच असतो
कधी का तो शत्रू होतो ।

जीवाला लावतो जीव
प्राणास तो प्राणही देतो  ।

सुख दुःखात असते साथ
संकट सारे डोक्यावर घेतो ।

मैत्रीला आहेच कुठे पर्याय
मैत्रीचा वसा अंतावरी नेतो ।
Sanjay R.

राधे राधे

कोण मित्र कोण शत्रू

ओळखणे नाही साधे ।

ओळख कशीच पटेना

येईल कोण  असे मधे ।

राहून कुठे हो चालते

एकदमच असे साधे ।

जातो टोपी देऊन कोणी

म्हणतो मग राधे राधे ।

Sanjay R.

आघात

तुझ्या कवितेतली साद
करून गेली आघात ।

शोधतो अर्थ मी शब्दांचा
वाटत जीवन झाले अनाथ ।

जरा दोन पाऊले तू ये पुढे
असेल तूला या मनाची साथ ।

चुकलेली वाट ती मागे गेली
सुटणार नाही धरलेला हात ।
Sanjay R.

ढगांनी वेढलं आकाश

ढगांनी वेढलं आकाश

दर्शन सूर्याचे होईना ।

पडेल केव्हा पाऊस

काय तेच कळेना ।

कधी तरी येतात मधेच 

चार दोन सरी बरसतात ।

भिजत नाही धरा त्यात

रंग पावसाचे ओसरतात ।

शेत अजूनही तहानलेले

पदर धरेचा भिजेना ।

डोळे लागले आकाशात

बी मातीतले रुजेना ।

Sanjay R.