प्रश्नाचे हवे उत्तर
करणार किती तडजोड ।
किती तुझे प्रश्न
करू कशी मी फोड ।
जीवनाचा हा प्रवास
सगळ्यांचीच लागली होड ।
साखरेहून सांग
आहे का दुसरे काही गोड ।
टेन्शन सोड आता
घेऊ नकोस तू लोड ।
हसत राहा नेहमी
नाहीतर होशील अशीच रोड ।
चला जाऊ आता
करू या थोडी तोडफोड ।
Sanjay R.
मार्ग जीवनाचा कठीण
खाचखळगे इथे किती ।
प्रत्येक पाऊल ठेवा जपून
हवी स्व रक्षणाची नीती ।
मांडले काय समोर कुठे
त्यातच मग थांबते गती ।
विचारांचे वादळ छळते
सहजच मग तुटते मती ।
जायचे आहे पुढेच पुढे
सांभाळून सगळी नाती गोती।
माघारीचा मग मार्ग नसता
तडजोडीशिवाय काय हाती ।
Sanjay R.
मुखी विठ्ठलाचे नाम
हाती चिपड्या टाळ ।
भाली कुंकवाचा टिळा
गळ्यात तुळशी माळ ।
पडे पाऊल एकेक पुढे
चाले गजर हरी नामाचा ।
डोळे लागले पंढरीला
भाव मनात आहे भक्तीचा ।
वारी निघाली पंढरपुरा
भेटीला आतुर सारे विठ्ठला ।
ऊन पाऊस नाही काटे गोटे
पाहीन डोळे भरून रे तुला ।
चंद्रभागेत होईल स्नान
लोटला काठी भक्तांचा पूर ।
नाही कोणास आस कशाची
दर्शनासाठी सारेच रे आतुर ।
Sanjay R.
बालपणीच्या कथेतली
सुंदर एक परी होती ।
राजकुमार बघतो वाट
दोघांचीही होती प्रीती ।
असे जेव्हा सोबत परी
आनंदी तो व्हायचा किती ।
शत्रू राजा बघून सारे
दाखवायचा त्याला भीती ।
राजकुमार दुःखी होई
नसे त्याच्या काहीच हाती ।
परीनेच मग मार्ग काढला
दोघांचीही जुळली नाती ।
राजकुमार झाला राजा
परी आता राणी होती ।
Sanjay R.
थांबू नकोस कुठे
घे उंच तू भरारी ।
आकाश हे विशाल
निर्धार तुझा करारी ।
जग हे मिथ्या सारे
आहे किती विषारी ।
स्वार्थी सारेच इथे
म्हणे मीच अधिकारी ।
भीती सोडून आता
तू उंच घे भरारी ।
Sanjay R.
