घे उंच भरारी

थांबू नकोस कुठे
घे उंच तू भरारी ।
आकाश हे विशाल
निर्धार तुझा करारी ।
जग हे मिथ्या सारे
आहे किती विषारी ।
स्वार्थी सारेच इथे
म्हणे मीच अधिकारी ।
भीती सोडून आता
तू उंच घे भरारी ।
Sanjay R.

पाऊस

आकाशात दिसतात ढग
पण पडत नाही पाऊस ।
वावर पाहते वाट आता
वेळ नको रे तू लाऊस ।
Sanjay R.

भय अंधाराचे

भय अंधाराला कुणाचे

प्रकाशाशी वैर त्याचे ।

चंद्र चांदण्या आकाशात

नाते जुळते काळोखाचे ।

रातकिड्यांचा होतो नाद

चमचमणे त्या काजव्याचे ।

सळसळ करती झाडे झुडपे

वाटे वादळ जणू ते शांततेचे ।

Sanjay R.

आहेस तू परी

कुकुली छोटुली
आहेस तू परी
गोड किती हसते
लाडू बाई बरी ।
आईची छकुली
असली जरी ।
बाबांची लाडकी
आहेस खरी ।
Sanjay R.

दुःख विना सुख कुठे

दुःखा विना सुख कुठे
सुख दुःखात काय मोठे ।
आयुष्याच्या वाटेवरती
काही खरे काही खोटे ।

दुःख देई मार्ग नवा
सुख तर मागे लोटे ।
दुःख असे क्षणिक सारे
शोधा जरा सुख कोठे ।
Sanjay R.