पाऊस

आकाशात दिसतात ढग
पण पडत नाही पाऊस ।
वावर पाहते वाट आता
वेळ नको रे तू लाऊस ।
Sanjay R.

भय अंधाराचे

भय अंधाराला कुणाचे

प्रकाशाशी वैर त्याचे ।

चंद्र चांदण्या आकाशात

नाते जुळते काळोखाचे ।

रातकिड्यांचा होतो नाद

चमचमणे त्या काजव्याचे ।

सळसळ करती झाडे झुडपे

वाटे वादळ जणू ते शांततेचे ।

Sanjay R.

आहेस तू परी

कुकुली छोटुली
आहेस तू परी
गोड किती हसते
लाडू बाई बरी ।
आईची छकुली
असली जरी ।
बाबांची लाडकी
आहेस खरी ।
Sanjay R.

दुःख विना सुख कुठे

दुःखा विना सुख कुठे
सुख दुःखात काय मोठे ।
आयुष्याच्या वाटेवरती
काही खरे काही खोटे ।

दुःख देई मार्ग नवा
सुख तर मागे लोटे ।
दुःख असे क्षणिक सारे
शोधा जरा सुख कोठे ।
Sanjay R.

क्षणभर सुख

क्षणभर सुख कशात
मिळता हवे जे मनात ।
होता कार्याची सुरुवात
थोडी कष्टाची हवी साथ ।
सिद्धीस जाते सारेची
फळ लाभते हातात ।
जेव्हा आशा असे मनात
परिणाम कुठे दुःखात ।
सुख मिळते आनंदात
मिळेल कसे क्षणात ।
Sanjay R.