दोन शब्द

दोनच तुझ्या शब्दात
सारेच मज कळले ।
हवे कशास ते पत्र
शब्दांनीच सारे जुळले ।
Sanjay R.

सहजच तुटतात धागे

मनाचे काय मी सांगू

सहजच तुटतात धागे ।

शिवायचं म्हटलं तर

विचार ओढतात मागे ।

आठवणींचा सार तिथे

क्षणात होतात जागे ।

होऊन अश्रू ओघळती

शब्द हृदयास लागे ।

Sanjay R.

ती एक रहस्य

रोजच असते ना सोबत

चाललो मी जरी किती ।

काळोखात थोडी विसावते

उजेडाची नाही भीती ।

कधी होते लांबच लांब

होते कधी खूपच छोटी ।

रहस्य मज उलगडे ना

मजवर का ती करते प्रीती ।

सावली ती माझीच अशी

सदा असतो हात हाती ।

Sanjay R.

इंद्रधनुष्य

सारखे बदलतात रंग

वाटे जणू इंद्र धनुष्य ।

सुख दुःखाच्या वाटेवर

नाही एकटा मी मनुष्य ।

यात्रा चाले ही अविरत

बघतो अनेकानेक दृश्य ।

डोळ्यात जरी आसवे

ठेवितो मुखावर हास्य ।

Sanjay R.

सावली झाडाची

थकल्या भागल्या शरीराला

सुख देई सावली झाडाची ।

सहज मिटतात मग डोळे

मिठीत घेते झोप ती लाडाची ।

Sanjay R.