मनाचे काय मी सांगू
सहजच तुटतात धागे ।
शिवायचं म्हटलं तर
विचार ओढतात मागे ।
आठवणींचा सार तिथे
क्षणात होतात जागे ।
होऊन अश्रू ओघळती
शब्द हृदयास लागे ।
Sanjay R.
Monday, February 28, 2022
Saturday, February 26, 2022
ती एक रहस्य
रोजच असते ना सोबत
चाललो मी जरी किती ।
काळोखात थोडी विसावते
उजेडाची नाही भीती ।
कधी होते लांबच लांब
होते कधी खूपच छोटी ।
रहस्य मज उलगडे ना
मजवर का ती करते प्रीती ।
सावली ती माझीच अशी
सदा असतो हात हाती ।
Sanjay R.
Friday, February 25, 2022
इंद्रधनुष्य
सारखे बदलतात रंग
वाटे जणू इंद्र धनुष्य ।
सुख दुःखाच्या वाटेवर
नाही एकटा मी मनुष्य ।
यात्रा चाले ही अविरत
बघतो अनेकानेक दृश्य ।
डोळ्यात जरी आसवे
ठेवितो मुखावर हास्य ।
Sanjay R.
Thursday, February 24, 2022
सावली झाडाची
थकल्या भागल्या शरीराला
सुख देई सावली झाडाची ।
सहज मिटतात मग डोळे
मिठीत घेते झोप ती लाडाची ।
Sanjay R.
Wednesday, February 23, 2022
Subscribe to:
Posts (Atom)