इंद्रधनुष्य

सारखे बदलतात रंग

वाटे जणू इंद्र धनुष्य ।

सुख दुःखाच्या वाटेवर

नाही एकटा मी मनुष्य ।

यात्रा चाले ही अविरत

बघतो अनेकानेक दृश्य ।

डोळ्यात जरी आसवे

ठेवितो मुखावर हास्य ।

Sanjay R.

सावली झाडाची

थकल्या भागल्या शरीराला

सुख देई सावली झाडाची ।

सहज मिटतात मग डोळे

मिठीत घेते झोप ती लाडाची ।

Sanjay R.

कल्पना

कल्पनेच्या या जगात

कुठे कशाचे अस्तित्व ।

स्वतःलाच जातो विसरून

जपतो नसलेल्याचे महत्व ।

Sanjay R.

सूर्यास्त

दिवसभर चालून थकला

झाला सूर्याचा अस्त ।

आली फौज चांदण्यांची

चमचमण्यात त्या व्यस्त ।

Sanjay R.

तुटता तारा

आकाशात तुटतो तारा
मिळतो कशाचा इशारा ।

सुख असो वा असो दुःख
मिळेना मनास सहारा ।

येता जीवनात वादळ
डोळ्यास फुटतात धारा ।
Sanjay R.