कुटुंब

कुटुंब मनलं का बा
मले लय येते इचार ।
डोयापुढं दिसते मंग
कर्ता घरातला लाचार ।

राब राब थो राबते
सकाय असो का दुपार ।
आभाया कडं पायते
डोकश्यात ढगायचा संचार ।

पानी पानी होते जीव
निस्ता पन्याचाच इचार ।
डोयात बी दिसते पानी
जवा होते थो लाचार ।

कष्टाचं कुठं होते चीज
जीवनच त्याच बेजार ।
कधी सुदाच होत नाही
त्याचा दरिद्री आजार ।

जवा पाहान तवा त्याच्या
भोवताल कर्जाचा बाजार ।
कोन त्याले जगू देते
गळा पकडते सावकार ।

नशिबाचे भोग सारे
कुटुंब ही होते लाचार ।
जगाचा म्हनते पोशिंदा
पन कोनालेच नाही इचार ।

संजय रोंघे
नागपूर
मोबाईल - 8380074730

नाते

नाते फक्त नसते ओळख

त्याहून असतो बरा काळोख ।

व्यवहार जसा असावा चोख

नात्यात तसेच नसावे टोक ।

राखून बोलणारे असतात फेक

नात्यात नेहमीच असावे नेक ।

मन किती अस्थिर घेते ते झोका 

नात्यात कशास देता हो धोका ।

जुजबी ओळख उलथून फेका 

नात्यात घ्यावा अंतरातून ठेका ।

Sanjay R.

लुकलुकता एक तारा

बघतो आकाशात

लुकलुकता एक तारा ।

गालातच हसतो

वाटते करतो इशारा ।

हळूच अंगाशी

खेळे सळाळता वारा ।

झुलतो पदर कसा

छेडतो मनाच्या तारा ।

होई आभास जणू

झुळझुळ वाहे झरा ।

सरसर येतात सरी

चिंब भिजते धरा ।

Sanjay R.

दीप

जलते है #दीप लाखो यहा

फिरभी अंधेरा, रोशनी कहा ।

आओ मिलके #दीप एक जलाये

रोशन हो भारत, हम चाहे वहा ।

Sanjay R.

माझे प्रकाशित साहित्य

माझे प्रकाशित साहित्य :

 (शॉपीजन प्रकाशन )

मनातली व्यथा स्वप्नातली गाथा - काव्य संग्रह

सांग... कोण मी कोण तू - काव्य संग्रह

चंद्रा - कथा संग्रह

नाचे मोर मनात -  ई - काव्य संग्रह

राणी - ई - कथा संग्रह 

काहीच कळेना - ई - काव्य संग्रह

दूर किती किनारा - ई - काव्य संग्रह

आसवांची कहाणी - ई - काव्य संग्रह