सुचेना मला काही
काय सांगू आता ।
डोकेच झाले शांत
थंडी आली आता ।
थरथर कापे अंग
शब्द निघेना आता ।
नाही सुचत काही
झाल्या बंद बाता ।
थंडीचा हा प्रकोप
करू काय आता ।
बसू चला शेकोटीशी
थंडीत कुठे जाता ।
गरम चहाचा कप
थंड झाला हो आता ।
बोल निघे बोबडे
सांगा कसे हो गाता ।
घालू चला स्वेटर
थंडी पळेल स्वतः ।
बचाव होईल थोडा
रजईत लपू आता ।
Sanjay R.
विचारांचे ओझे किती
लादू मी कुणावर ।
भार झेलतो मी एकटा
सर्वस्व माझे या मनावर ।
वाटते कधी द्यावे झुगारून
भार होतो डोक्यावर ।
शरीराने तर केली सवय
सांभाळतो मीच अंगावर ।
थांबेल कधी चक्र सारे
बघतो जेव्हा डोक्यावर ।
होईल वाटते मीही कधी
स्वार या साऱ्या गगनावर ।
Sanjay R.
उजाडला दिवस आज
लेऊनिया नवा साज ।
ढग बघतो आकाशातून
धरा म्हणते येते लाज ।
हळूच पसरले ऊन कोवळे
सूर्यानेही चढवला ताज ।
चन्द्र तारे गेले निघूनी
सुंदर किती सृष्टीचा अंदाज ।
Sanjay R.
