समजते तर सारेच
उमजून का घेत नाही ।
लक्षणच मेले खोटे
की मलाच कळत नाही ।
नुसता डोक्याला ताप
काहीच कसे करत नाही ।
डोक्याला झाला भार
मनही बाहेर निघत नाही ।
का गुंतलो मी हा असा
मलाच माझे समजत नाही ।
Sanjay R.
Tuesday, December 14, 2021
Monday, December 13, 2021
उजाडला दिवस आज
उजाडला दिवस आज
लेऊनिया नवा साज ।
ढग बघतो आकाशातून
धरा म्हणते येते लाज ।
हळूच पसरले ऊन कोवळे
सूर्यानेही चढवला ताज ।
चन्द्र तारे गेले निघूनी
सुंदर किती सृष्टीचा अंदाज ।
Sanjay R.
उमजले मज सारे
उमजले मज सारे
येतात कुठून हे वारे ।
उमजले मज सारे
का चमचमतात तारे ।
ध्यास मनात वेगळा
बहुधा वेडेच सारे ।
घालतो सूर्य प्रदक्षिणा
धरेवरती किती बिचारे ।
पोटात आग भुकेची
फिरतात मारे मारे ।
कुठला मी कोण कसा
स्वप्न कशाचे पाहतो रे ।
असावेच डोळ्यात वसती
ओघळतात तोडून पहारे ।
Sanjay R.
Sunday, December 12, 2021
चला घेऊ संकल्प आता
चला घेऊ संकल्प आता
करू सुरवात नवी आता ।
सरत आले साल जुने
येईल वर्ष नवीन आता ।
जे जे उरले करू आता
घाई नको जाता जाता ।
होतो कमी दिवस एकेक
चाले हिशोब येता जाता ।
मागे वळून नका हो पाहू
सरेल सारे पाहता पाहता ।
Sanjay R.
Saturday, December 11, 2021
आग लागली मनात
आग लागली मनात
रान पेटले तयात ।
होईल राख सारी
भस्म उरेल अंतरात ।
कोण येईल विझवण्या
धगधगत्या ज्वाळा आत ।
धूर निघेल कुठला
होईल स्वाहा क्षणात ।
अवस्था मनाची काय
धारेवर कधी अनंतात ।
होऊनि एक तारा मीही
राहील दूर आकाशात ।
Sanjay R.
Subscribe to:
Posts (Atom)