काय म्हणतोस सांग तू रे,
गालात मी हसू कसे रे ।
जमेल कसे ते सांग मजला,
तुही मलाच फसवू नको रे ।
तोंडात नाही एकही दात,
हसताना ते दिसवू कसे रे ।
चष्म्याची काच ही भिंग झाली
डोळ्यांना माझ्या रुसवू नको रे ।
गालावरती पडल्या वळ्या
दिसते तुला ती खळी कुठे रे ।
कानही सांगू तीक्ष्ण किती ते,
आवाज वाटतो सूक्ष्म किति रे ।
डोक्यावरती टक्कल पडले
उडणारे ते केस कुठे रे ।
उठणे होईना बसणे होईना,
कंबर झुकली, उभेच राहवेना ।
तलवार गेली लाठी आली,
हातात काठी दिसते कशी रे ।
बोल म्हणतो गोड किती रे
बोबडे शब्द ओठच गाती रे ।
सोळाची मी, तू सताराचा
वय किती ते सांगू कशी रे।
म्हातारपण हे कुठे थांबते
खो खो करणे थांबवू कसे रे ।
लाल पिवळे रंग फासूनी
सुंदर आता मी दिसू कशी रे ।
वाट पाहते होईल कधी मी
आकाशाची चांदणी मी रे
Sanjay R.
