जाऊ नको दूर

जाऊ नको दूर

लागेना मग सूर ।

तुझ्याविना माझे

गाणे होते बेसूर ।

भिरभिर शोधी डोळे

मनही होते आतुर ।

हृदयास सांगू कसे

तेही होते फितूर ।

आग लागे अंतरात

थांबवू कसा धूर ।

आसवंही मग थांबेना

डोळ्यात येतो पूर ।

Sanjay R.

सुगावा

कळलेच नाही काही
लागेल कसा सुगावा ।
हाती लागले काही तर
त्यालाच उलटून बघावा ।
सुशोभित दिसते सारे
समोर असतो दिखावा ।
जर आत बघाल तर
धोंडाच हाती लागावा ।
हसण्यावर नेऊ नका
धोका दूरच असावा ।
प्रयत्न असतात सारे
मासा गळात फसवा ।
Sanjay R.

अडगळ घेते जागा

अडगळ घेते जागा
तोच दुराव्याचा धागा ।
घालावा दूरच जरासे
कसेही तयाशी वागा ।
उरलेच काय आता
कशास कुणास मागा ।
करूच नका विचार
चला कामास लागा ।
Sanjay R.

मन कधी हसते

डोळेच सांगून जातात

काय असते मनात ।

वारा थांबतो थोडा

बोलतो आपल्या कानात ।

मन कधी हसते

दिसते सारे चेहऱ्यात ।

वार असो कुठलाही

दुःख होते काळजात ।

शब्दांचे घाव कठीण

गाल मग रुसतात ।

वाचा होते अबोल

ओठ कुठे बोलतात ।

सुखाचा होताच पाऊस

क्षण आनंदाचे वेचतात ।

बदलून रूप आपुले

सगळेच सोबत हसतात ।

Sanjay R.

विचारांचे ओझे

मनाच्या अडगळीत दडले काय

ढीग विचारांचा करू मी काय ।

मनात आहे जे जे आता

आठवते सारेच जाता येता ।

फुलतो मनात कधी आनंद ।

दुःखही सारेच हृदयात बंद ।

कधी वाटते नकोच काही

लुप्त होतात दिशाही दाही ।

जीवनाची तर हीच दशा 

कधी चढते कशाचीही नशा । 

अबोल होते कधी मन माझे ।

फिरतो घेऊन सारेच ओझे ।

Sanjay R.