नकोच वाटते सारे
करावे काय ते कळेना ।
मनात विचार असंख्य
डोक्यातून ते वळेना ।
करू किती विचार
वेळही कशी टळेना ।
शून्यात लागली नजर
डोळेही आता ढळेना ।
पाठलाग करते मन
आग हृदयातली जळेना ।
मांडला मी हा खेळ
छळ म्हणता छळेना ।
जाऊ कुठे सांगू कुणा
काहीच मज कळेना ।
Sanjay R.
नको उसवूस वीण नात्याची
वाढेल घरघर जशी जात्याची ।
असेल आठवण एकेक क्षणाची
अवस्था असेल कशी मनाची ।
कुठे पडेल उनीव तुज कोणाची
असेल सावली सदाच प्रेमाची ।
आईच तर देते पाखर मायेची
होशील तुही आई कधी मुलाची ।
लोटू नकोस दूर आहे आस घराची
अनमोल ही नाती आहेत जीवाची ।
Sanjay R.
