पाहता तुझे स्मित
मन जाते हरकून ।
विचार नसतो दुसरा
जातो सारेच विसरून ।
बघतो डोळ्यात तुझ्या
सुखाचा एक झरा ।
पापणीही मिटत नाही
हसरा तुझा चेहरा ।
नकळत येती विचार
काय तुझ्या मनात ।
डोळेच संगती मग
कळते अंतरास क्षणात ।
पुरे आता खेळ हा
चल करू या संवाद ।
आसुसले कान माझे
आहे ऐकायचा नाद ।
आकाशातल्या चांदण्या
सोबत तुझ्या मोजायच्या ।
क्षितिजाआड जाऊनिया
गुज गोष्टी खूप करायच्या ।
Sanjay R.
सरलेत शब्द आता
काय मनात दाटले ।
उलगडला सारा गुंता
हायसे आता वाटले ।
मिटली सारीच चिंता
स्वप्न मनात थाटले ।
काढून दुखातली वाट
आनंदास आज गाठले ।
Sanjay R.
मी बघायचं
नि तू हसायचं ।
का हे असे
नाहीच कळायचं ।
कधी लटकेच
रुसणं दिसायचं ।
बघून राग तुझा
मन घाबरायचं ।
मीच मग मला
खूप विचारायचं ।
काळ लोटला आता
थांबलं ते हसायचं ।
हस तू एकदा
परत मज बघायचं ।
Sanjay R.
पेटवू चला हो दिवा एक
एकेक करता होतील अनेक ।
प्रकाश होईल जिकडे तिकडे
निघेल उजळून अंगण प्रत्येक ।
नसेल कुठेच अंधार काळा
विचार किती हा वाटतो नेक ।
गरीब असो वा असो श्रीमंत
बघतो वाट तो येणार लेक ।
दिसेल आनंद चेहऱ्यावरती
साजरी होईल दिवाळी सुरेख ।
Sanjay R.
आठवणी किती या मनात
गोड काही तर काही कडू ।
सुख दुःखाचे क्षण तयात
कधी हास्य, कधी फुटते रडू ।
ठेऊ किती मी मनात माझ्या
एकांत मिळता लागतात छेडू ।
आठवते मग ती आई माझी
लाडाने मजला म्हणायची वेडू ।
Sanjay R.
