" सुख नाही तरी "

किती ही धावपळ
कशासाठी धडपड ।
पैसा पैसा करत
चाले सारी गडबड ।

चुकते कधी वाट
सोसणाऱ्याची तळमळ ।
सुख नाही तरी
डोळ्यात अश्रू भळभळ ।

पाणी कुठे हो थांबते
वाहते ते झळझळ ।
भोगतो सारे भोग
कुणाला अशी हळहळ ।
Sanjay R.

" सांगू कुणास दुःख माझे "

सांगू कुणास दुःख माझे

आठवतात मज बोल तुझे ।

बघून माझा शर्ट फटका

बघून माझेच मन लाजे ।

भूक पोटाची देई आवाज

माय लेकरास पाणी पाजे ।

गरीबाचीच ही व्यथा सारी

दिसे डोळ्यात दुःख ताजे ।

अश्रुंचे माझ्या काय मोल

गालावरती लाचारी सजे ।

कुबेराने दिले मज लोटून

येण्या जवळ कोण धजे ।

Sanjay R.

" सुख दुःख "

दुःखा मागून येते सुख

लावू नको तू रुखरुख ।

वाट जरी ही वळणाची

चालत राहा नाही चूक ।

कष्ट सारे हे जगण्यासाठी

पोट दिले तर आहे भूक ।

खडतर जरी ही वाट तरी

धोंडे सारेच आहेत मूक ।

नको पाहुस दुःख तयाचे

काय खरे नि काय चूक ।

मधेच कोणी देईल साद

अंधार मागे दिसेल अंधुक ।

पुढे पुढे तू चालत राहा

निर्णय तुझा असेल अचूक । 

Sanjay R.

मी असा प्रामाणिक

किती असावे सांगा

मी असा प्रामाणिक ।

आजवर मिळाली मज

हीच तर शिकवणूक ।

प्रयत्नांची पराकाष्टा

आणि तशीच वागणूक ।

हाती मिळते मात्र मज

का हो अशी फसवणूक ।

जो तो लुबाडतो मला

कशी करू मी जपवणूक ।

निसर्गही नाही सोबत

मग होते मनात धकधुक ।

विश्वास करू मी कुणाचा

देवही नाही करत सोडवणूक ।

नशिबाची दोरीच कच्ची

बळी मी हीच माझी हो चूक ।

Sanjay R.

" एक रोपटे लाव "

कळतो मजला ग
तुझ्या मनाचा ठाव ।

वाटे मलाही का
तुझीच अशी हाव ।

मनही घेते  माझे
तुझ्याकडेच धाव ।

कोरले अंतरात आता
तुझेच मी नाव ।

देऊस नको ना तू
हृदयावर माझ्या घाव ।

अंतरात माझ्या तूच
एक रोपटे लाव ।
Sanjay R.