" एक रोपटे लाव "

कळतो मजला ग
तुझ्या मनाचा ठाव ।

वाटे मलाही का
तुझीच अशी हाव ।

मनही घेते  माझे
तुझ्याकडेच धाव ।

कोरले अंतरात आता
तुझेच मी नाव ।

देऊस नको ना तू
हृदयावर माझ्या घाव ।

अंतरात माझ्या तूच
एक रोपटे लाव ।
Sanjay R.

" आठवण "

तुझे माझे जुळले नाते
मन मनातच गाणे गाते ।
प्रश्न पडतो पुढ्यात माझ्या
सांग मला हे असे का होते ।

करतो मी विचार जेव्हा
मनच माझे हरवून जाते ।
गुंतून जातो तयात मी मग ।
सांग मला हे असे का होते ।

सदा घेतो मी साद तुझीच
का तुला ते कळून येते ।
तुझ्याविना अस्तित्व काय
सांग मला हे असे का होते ।

हाल माझे हे असे बहाल
का तुझीच आठवण होते ।
नेत्र लागले तुझ्या वाटेवर
सांग मला तू केव्हा येते ।
Sanjay R.

" निर्धार "

नसे काहीच कठीण
असता मनात निर्धार ।
मिळते बळ आपोआप
स्वप्नही होतेच साकार ।
साथ मिळते नकळत
फक्त मानायचे आभार ।
मनातले सारे घडते
घेऊन थोडासा आधार ।
Sanjay R.

" डोंगर दुर्गम "

अपेक्षांचा डोंगर दुर्गम

वाटही चढाया नाही तिथे ।

ध्येय मात्र वर चढण्याचे

बघू कशाला कोण कुठे ।

सूर्यकिरणे कुठे लपली

अंधाराचा आभास तिथे ।

ध्येय होते मनात एकच

पोहोचलो शिखरा मी तिथे ।

Sanjay R.

" बापूंची ती खादी "

यादच नाही राहात 

करु कशाची यादी ।

देशासाठी लढले किती

असतो त्याच नादी ।

फाटका घालतो सदरा

परी बापूंची ती खादी ।

पाळतो अहिंसेचे व्रत

सांगून गेली दादी ।

रघुपतीचे गातो भजन

झोपायच्या मी आधी ।

भुमीवर टाकतो अंग

कुठे कशाची गादी ।

याद करतो बापूंना

 राहणी माझी साधी ।

भारतमातेचा पुत्र मी

नमन करतो आधी ।

Sanjay R.