करायचे किती काम
झेलयचे किती कष्ट ।
निष्फळ होते सारे
फायदा घेतो दुष्ट ।
चोर लबाड तो
झाला किती पुष्ट ।
नशिबाचा फेरा सारा
पदरात पडते उष्ट ।
नकोच वाटे जगणे
यमही आता रुष्ट ।
Sanjay R.
Saturday, October 2, 2021
" करायचे किती कष्ट "
Friday, October 1, 2021
" तुझी एकच हरकत "
तुझी एकच हरकत
मला सुखावून गेली ।
तहान भूक हरपली
चोरून नजर तू नेली ।
बघतोच कुठे आता मी
असते तूच डोळ्यापुढे ।
मनही असतं धावत
मी मागे नि तू असते पुढे ।
हळुच गालात तुझं हसणं
नि तिरक्या नेत्राने बघणं ।
हृदय धडधडतं मग माझं
जणू थांबलं माझं जगणं ।
मनही उरलं कुठे माझं
वाटतं तेही तुझं झालं ।
तुझ्याविना नको काहीच
मज सांगना हे कसं झालं ।
Sanjay R.
" हवी कशाला परवानगी "
माझा तर मीच राजा
हवी कशाला परवानगी
बघतो सारे डोळ्यांनी
आहे मनात दिवानगी ।
थबकतात पाऊले कधी
पाहून करामत निसर्गाची ।
फिटते पारणे मग मनाचे
नसते सीमा आनंदाची ।
दुःखाचीही नाही कमी
त्यातच कशास थांबायचे ।
जीवन हे अनमोल किती
बघून पुढेच आहे जगायचे ।
Sanjay R.
Thursday, September 30, 2021
" कहर केला पवासाने "
कशी करू नको चिंता
दिला पावसाने धोका ।
आशा होत्या किती तरी
रंग पडला कसा फिका ।
नशिबाचाच खेळ सारा
पदोपदी का मिळे धोका ।
कहर केला ना पावसाने
पोटावरच दिला ठोका ।
पाण्यात गेली मेहनत
प्रसंग जीवनाचा बाका ।
मुलाबाळांची स्वप्न सारी
काहीच विचारू हो नका ।
निसर्गच कोपला आता
पडला जीवनावर डाका ।
वर्षानु वर्षे तर हेच होते
आहे हीच जीवनाची रेखा ।
Sanjay R.
" चिंता "
डोकंच झालं खोका
या चिंतेला कुणी रोका
डोक्याला नाही आराम
होईल हृदयाला धोका ।
विचारच नको कुठले
काढून दूर सारे फेका ।
हलके होईल मस्तक
घाबरू तुम्ही नका ।
मन होईल मग शांत
उठाहो चला काका ।
Sanjay R.
Subscribe to:
Comments (Atom)