" चुकीला नाही माफी "

चुकीला नाही माफी
बरोबरला कुठे टॉफी ।
स्वतःच व्हायचे खुश
गालावर थोडी लॉफी ।
गुणगुणायची एक ओळ
जसा गायचा तो रफी ।
मनातच स्वतः घ्यायची
मोठी सुवर्णाची ट्रॉफी ।
मनच सांगते मनाला
चुकीला नाही माफी ।
Sanjay R.

" आनंद थोडा जगायचे "

सारून दुःख बाजूला

आनंद थोडा जगायचे ।

बडबड गीत गाऊन मग

खुदकन गालात हसायचे ।

रडायला नाहीत डोळे

त्यातून तिरके बघायचे ।

गाल थोडे फुगवूनच

मस्त पैकी रूसायचे ।

जग बघा सुंदर किती

कशाला दुःख भोगायचे ।

Sanjay R.

" दूर किती तो तारा "

दूर किती तो तारा
चमचमतो बिचारा ।
मधेच येऊनि नभ
करी पावसाचा मारा ।
जातो भिजवून चिंब
वाटे मज तो इशारा ।
गन्ध प्रेमाचा तयात
आभास किती न्यारा ।
Sanjay R.

" रंग प्रेमाचा "

का पण कुणास ठाऊक
वाटतं करावी अनोखी मैत्री ।

यावा कधी मुसळधार पाऊस
असावी तिथे मग एकच छत्री ।

तू आणि मी असू दोघेच
बघावीत स्वप्न तुझीच या नेत्री ।

ओढ लागावी मज तुझी
यावी स्वप्नात माझ्या तूच रात्री ।

घेऊनिया जवळ मग
द्यावी तुजला या मनाची खात्री ।
Sanjay R.

" येणार किती तू पावसा "

येणार किती तू पावसा

नको वाटते तुझे येणे ।

थांब ना  आता जरासा

कठीण झाले रे हे जिणे ।

नदी भरली भरले तलाव

 सगळीकडे पाणीच पाणी ।

शेत डुबले पीक सडले

मदतीला रे नाही कोणी ।

डोंगर कर्जाचा माथ्यावर

सावकार वाटतो रे शनी ।

विष प्याया लागेल पैसा

विचार मरणाचा येतो मनी ।

थांबव जरा तुझा तांडव

सूर्य जरासा दिसू दे ना ।

पिकले जरी थोडे तरी

अश्रू पुसून जगू पुन्हा ।

Sanjay R.