" बैल पोळा "

सण बैलांचा पोळा 

होतात बैल सारे गोळा ।

सजून धजून सारे येती

होतो धन्य पाहुनी डोळा ।

सखा बळीराजाचा तो

सोबती कष्टात भोळा ।

वाहन महादेवाचे तेच

वाजे घुंगरू गळा ।

पूजन आज तयाचे

लागेल तुम्हांसी लळा ।

Sanjay R.

" दूर किती हे हात "

देणार कशी तू साथ

दूर किती हे  हात ।

परिक्रमा ही अनंताची

तिथे काळोखी रात ।

चुकता एक पाऊल

होईल जीवाचा घात ।

वादळ वारा नाही तिथे

फक्त आसवांची बरसात ।

रीत या दुनियेची कशी

कठीण किती देणे मात ।

एकटा इथे मी वाटसरू

मज वाटे मीच अनाथ ।

Sanjay R.

" नको तू सोडू काही "

नको तू सोडू काही

मनच मनाला पाही ।

वेदना कोण बघतो

अंतरात फुटते लाही ।

नशिबाचा खेळ सारा

जीव होतो त्राही त्राही ।

शब्दविन कळे कोणा

बोल तू जरा काही ।

मनातले सांगतो माझ्या

शोध मला तू दिशा दाही ।

Sanjay R.

" भूत संशयाचे मनी "

भूत संशयाचे मनी

जसा मागे लागे शनी ।

बंध नात्याचे तुटती

झरते डोळ्यात पानी ।

नको विचार कसले

हवी मधाळ वाणी ।

हवे सुखाचे तरंग 

गाऊ आनंदाची गाणी ।

हसत सदा असावे

ही जीवनाची कहाणी ।

Sanjay R.

" अंतरात कुठला भाव "

अंतरात कुठला भाव

करी मनावर घाव ।

कुणा म्हणू मी आपला

आहेत सारेच साव ।

नाही जाण कशाची

नाही कुणास ठाव ।

ओळख कुठे कुणाची

नाही कुणास नाव ।

सर्व सोडिले तुझ्यावर

देवा तूच मजला पाव ।

Sanjay R.