" दूर किती किनारा "

दूर किती किनारा

झुंज देतोय वारा ।

बेफाम सुटल्या लाटा

वरून पडती धारा ।

डगमगते नाव पाण्यात

करते कुणा इशारा ।

दाटले आकाश ढगांनी

लोपला कुठे तो तारा ।

चमचम करते मधेच

दिसे विजेचा नजारा ।

का कोपला असा तू

हो शांत जरा सागरा ।

Sanjay R.

" शोधतो मी सूर "

शोधतो एक मी सूर 

मिळता मिळेना ताल ।

हरवलेत शब्द सारे

रुसलेत मग गाल ।

ओठाआड लपले बोल

डोळ्यात अश्रूंची ढाल ।

सुचेना काहीच मग

झालेत मनाचे हाल ।

Sanjay R.

" समजेना मला "

अल्याड काय पल्याड काय

समजेना मला ।

बघू कुठे मी शोधू कुठे

सांगू काय तुला ।

ध्यानात काय मनात काय

सांगतो मी तुला ।

शोधते नजर नसतेस हजर

हवी ग तूच मला ।

Sanjay R.

" नकोच हा दुरावा "

नको जाऊस दूर

नकोच हा दुरावा ।

मनात काय माझ्या

कशास हवा पुरावा ।

ठाऊक तुलाही आहे

चाले कुणाचा धावा ।

आठवण होताच तुझी

मिळतो मज विसावा ।

साथ सदा हवी मज

मनात वाजतो पावा ।

नाते तुझे आणि माझे

आईचा लाडका तू छावा ।

Sanjay R.

" सांगू काय कुणाचे "

सांगू काय कुणाचे

कळत नव्हते मनाचे ।

वेळोवेळी बदले विचार

अर्थच लागेना कशाचे ।

होऊनी वाद किती मग

आलेत दिवस दुःखाचे ।

नको वाटे मग सारेच

तुटलेत धागे मनाचे ।

जुळलेत जेव्हा विचार

आलेत क्षण सुखाचे ।

काय वर्णू मी तयास

फुलले हास्य आनंदाचे ।

Sanjay R.