अंतरात माझ्या कुठे
भावनांचे तरंग उठे ।
कळेना काहीच मज
काय खरे काय खोटे ।
आठवणींच्या डोहात
मन असे हे का छोटे ।
विचारांशी विचार जुळे
बळ आनंदाचे मोठे ।
Sanjay R.
Wednesday, August 11, 2021
" किरण आशेचा "
मनात कायम असे
किरण आशेचा ।
सदा आपल्या तोऱ्यात
असर तो नशेचा ।
मनात हाव वसलेली
धागा तो कशाचा ।
डाव फसतो कधी मग
येई राग हशाचा ।
Sanjay R.
" नशिबाचे फेरे "
काय रेखाटू या पाटीवर
काळी पाटी काळा खडू ।
नशीबाचेच फेरे उलटे
जीवनात या सारेच कडू ।
टीचभर या पोटासाठी
हाता पायास किती छेडू ।
कोरभरच हवी भाकर
नको पेढे नको लाडू ।
अश्रू डोळ्यातले आटले
सांगा आता कसा रडू ।
Sanjay R.
Friday, August 6, 2021
" डोळ्यात थेंब आसवांचे "
आठवणींच्या डोहात
विचारांचे जाळे ।
डोळ्यात थेंब आसवांचे
पापणीच्या आड तळे ।
मन होते जेव्हा उदास
काय कुणास कळे ।
अंतरात धगधगते आग
मन मनात जळे ।
चन्द्र डोकावतो आकाशात
अंगणात त्याच्या खळे ।
चांदण्या दुरून हसतात
बघूनक मजला छळे ।
Sanjay R.
Thursday, August 5, 2021
Subscribe to:
Posts (Atom)