" जीवनाचा हा डाव "

कसा जगायचा
जीवनाचा हा डाव ।
आयुष्यभर चाले
फक्त धावाधाव ।
कोण कुणाचा इथे
असले जरी नाव ।
हास्याच्या पलीकडे
रक्तबंबाळ घाव ।
डोळ्यात शोधा जरा
आसवांचा तिथे ठाव ।
Sanjay R.

" कुणास ते सांगायचे "

मनात किती विचार

कुणास ते सांगायचे ।

त्यातच जीव गुरफटतो

सांगा असेच का जगायचे ।

सुखाचे क्षण येतातच

गालात खूपच हासायचे ।

दुःखाचे क्षण येतिजाती

त्यानाही पार करायचे ।

Sanjay R.

रोपट्याचे झाड व्हावे

वाटे मज झाड लावावे

उठून सकाळी पाणी द्यावे ।

आलेत किती पाने उमलून

एक एक करून रोज मोजावे ।

रोपट्याचा मग हळूच छान

मोठे डेरेदार झाड व्हावे ।

बघून सारे सोबतीने माझ्या 

गाली तुझ्या हास्य फुलावे ।

Sanjay R.

" काय देऊ तुला "

काय देऊ तुला

नि घेऊ मी मला ।

मनात लोभ हा

कुठे कमी झाला ।

प्रेम कुठे व्यर्थ

लावू कसा ताला ।

मी तुझा तू माझी

मन दिले तुला ।

मन तुझे हवे

नको काही मला ।

Sanjay R.

" भाव बदलले चेहऱ्यावरचे "

येता आभाळ आकाशात
भाव बदलले चेहऱ्यावरचे ।
तळतळ करणारे उष्ण वारे
शीतल स्वरूप झाले त्यांचे ।
सर सर आल्या सरी धावून
मग वाहू लागले पाट पाण्याचे ।
निसर्गानेही मग रूप बदलले
अंथरले कुणी हे हिरवे गालिचे ।
दूर  बसून मी कौतुक बघतो
दिवस सुंदर किती पावसाचे ।
Sanjay R.