उमजले मला
समजले मला
हवे होते काय
कळले मला ।
गंध कळ्यांचा
गजरा फुलांचा ।
केसांत मोगरा
हवा होता तुला ।
प्रेमाचा वारा
गगनातला तारा ।
पावसाच्या धारेत
भिजायच तुला ।
भावनांच्या तळ्यात
आनंदाच्या मळ्यात
हाती हात घेऊन
फिरायचं तुला ।
राजाची राणी
नको तिथे कोणी
लेऊन नवा साज
आहे नटायचं तुला ।
Sanjay R.
पारावर मी बसून होतो एकटा
हळूच कसा माझा हलला दुपट्टा ।
लागता चाहूल वळून मी पाहिले
हटेना नजर श्वास आतच राहिले ।
नाकात माझ्या भरला सुगन्ध
बघून तुला ग झालो मी धुंद ।
ठुमकत मुरडत जशी तू आली
फेकता नजर माझी तू झाली ।
कळला कसा तुज माझा इशारा
पदरान तुझ्या घालशील का वारा ।
धीर नको आता उशीर ग झाला
येतोच उद्या सांग तुझ्या बाला ।
पैसा नको नि दौलत ही नको
नेईल तुला लोक बघू दे लाखो ।
तुझी माझी जोडी होईल झ्याक
कळली ना तुला माझी ही हाक ।
Sanjay R.
दिसभर जगन्यासाठी
चालते त्याची धावपय ।
रक्त आटतवरी काम
कराच लागते ना लय ।
घरी बुढा बुढी बिमार
तान्ह पोरगं रडते भाय ।
बायको बी कावली आता
म्हने पाहू मी काय काय ।
पैसा न्हाई यक खिशात
सांगा कराव आता काय ।
किती मराव सांगा म्याच
लय दुखते राजा पाय ।
यकदाचं मरन यु दे
सांगतो तूले मरिमाय ।
कोनता पडते फरक
जगून उपेग भी काय ।
जगन्याची धळपळ हे
कराच लागन का नाय ।
उठना दादा आता तरी
मालक बोबलन पाय ।
Sanjay R.
