सांग जरा रे मला
तुझ्या मनात काय ।
दिवस किती झाले
तुझे दर्शनच नाय ।
तळमळतो जीव
आता करू मी काय ।
येऊ देना पंढरीला
वारी चुकते की काय ।
डोळे भरून पाहिलं
धरील तुझे देवा पाय ।
Sanjay R.
Tuesday, June 15, 2021
Monday, June 14, 2021
" स्वप्नांची एक दुनिया "
स्वप्नांची एक दुनिया
आनंदाची ती किमया ।
बघतो मी मोहक माया
काय वर्ण काय काया ।
सुवर्णाची त्यावर छाया
चमचमणारा रत्न पाया ।
म्हणे अप्सरा माझे राया
मन हरपले गेलो वाया ।
Sanjay R.
Sunday, June 13, 2021
" मनातलं ओळखतो मी "
मनातलं ओळखतो मी
नको सांगूस तू काही ।
दूर नाहीत सुयोग आता
ऐकून घे सांगतो काही ।
फक्त होकाराची वाट आहे
बोलू नकोस नाही नाही ।
तू आणि मी, मी आणि तू
चल हसू या दिवस काही ।
Sanjay R.
Saturday, June 12, 2021
" डोळ्यात माझ्या भाव नवे "
डोळ्यात माझ्या भाव नवे
सांग मजला तुज काय हवे ।
विस्तीर्ण किती आकाश सवे
लक्षवेधी तिथे पक्षांचे थवे ।
नभ एक काळा मधेच डोकावे
होऊन पाऊस का त्याने यावे ।
अंथरतो मग तो ओली चादर
वाटे मज त्यात भिजून घ्यावे ।
मग होऊन अंकुर हळूच यावे
पसरूनी हिरवळ निसर्ग व्हावे ।
वाऱ्यासंगे मग थोडे झुलावे
फुल होऊन मीही बहारावे ।
Sanjay R.
Friday, June 11, 2021
" जीव गुंतला तुझ्यात "
जीव गुंतला तुझ्यात
विचार तुझाच मनात ।
हरली तहान भूक
तस्वीर तुझी डोळ्यात ।
बोलके तुझे ग डोळे
डुबलो मी तयात ।
बोल तुझे ऐकताच
होतो मी आनंदित ।
चाहूल तुझी लागता
होतो किती प्रफुल्लित ।
तुझ्या विनाचा विचार
नकोच कधी मनात ।
भावना ही मनातली
सांगतो तुझ्या कानात ।
गुंतला जीव माझा
सांगतो फक्त तुझ्यात ।
प्रेमाचे हे भाव सांग
मावेल कसे कागदात ।
तुझ्या माझ्या प्रेमाचे
बळ नाहीच कशात ।
Sanjay R.
Subscribe to:
Posts (Atom)