आकाशात आले ढग
सूर्य शोधतो आडोसा ।
ताप झाला कसा शांत
पाऊस रडतो ढसाढसा ।
आसवे गळती सुखाची
बीज घेई अंकुराचा वसा ।
रोपटे येईल मग फुलून
बघून हिरवळ थोडे हसा ।
फुटेल पालवी मनाला
खूप आनंदी सारे दिसा ।
Sanjay R.
तुम्ही बाबा माझे हिरो
बघून वाटते मी तर झिरो ।
पावलावर पाउल मी ठेऊन
गिरवतो कित्ता नाव घेऊन ।
स्वप्न तुमच्यासारखे व्हायचे
हवेत आशीर्वाद मला तुमचे ।
म्हणतात बापसे बेटा सवाई
असेच होऊ दे म्हणते माई ।
देवाकडे मागतो मी एकच
विचार माझे असू दे नेकच ।
नावाला तुमच्या देईल झळाळी
कष्ट करील आता माझी पाळी ।
Sanjay R.
देवा किती तुझे उपकार
आम्हा तुझाच रे आधार ।
संकटात येतोस धावून
उचलतो दुःखाचा भार ।
ठेवितो सुखात आम्हा
हाती तुझ्या सारा संसार ।
सांग कशी होईल परतफेड
तुजपुढे आम्ही सारे लाचार ।
धावा करतो संकटात तुझा
मार्ग सुखाचा करतो साकार ।
मनी दर्शनाची ओढ आता
देऊ नकोस रे तू नकार ।
Sanjay R.
