" आकाशात आले ढग "

आकाशात आले ढग
सूर्य शोधतो आडोसा ।
ताप झाला कसा शांत
पाऊस रडतो ढसाढसा ।
आसवे गळती सुखाची
बीज घेई अंकुराचा वसा ।
रोपटे येईल मग फुलून
बघून हिरवळ थोडे हसा ।
फुटेल पालवी मनाला
खूप आनंदी सारे दिसा ।
Sanjay R.

" बघू किती मी वाट "

बघू किती मी वाट

सांग तुझ्या मेसेजची ।

नजर सारखी मोबाईलवर

लिंकच तुटली नेटवर्कची ।

चार्जिंगही आले सरत

बत्तीही बंद या विजेची ।

जुनेच मेसेज वाचतो आता

तहान ताकावर दुधाची ।

Sanjay R.

" माझे बाबा माझे हिरो "

तुम्ही बाबा माझे हिरो
बघून वाटते मी तर झिरो ।

पावलावर पाउल मी ठेऊन
गिरवतो कित्ता नाव घेऊन ।

स्वप्न तुमच्यासारखे व्हायचे
हवेत आशीर्वाद मला तुमचे ।

म्हणतात बापसे बेटा सवाई
असेच होऊ दे म्हणते माई ।

देवाकडे मागतो मी एकच
विचार माझे असू दे नेकच ।

नावाला तुमच्या देईल झळाळी
कष्ट करील आता माझी पाळी ।
Sanjay R.

" तुजपुढे आम्ही लाचार "

देवा किती तुझे उपकार
आम्हा तुझाच रे आधार ।

संकटात येतोस धावून
उचलतो दुःखाचा भार ।

ठेवितो सुखात आम्हा
हाती तुझ्या सारा संसार ।

सांग कशी होईल परतफेड
तुजपुढे आम्ही सारे लाचार ।

धावा करतो संकटात तुझा
मार्ग सुखाचा करतो साकार ।

मनी दर्शनाची ओढ आता
देऊ नकोस रे तू नकार  ।
Sanjay R.

" प्रश्नाला असते उत्तर "

प्रश्नाला असते उत्तर

मन कुठे आहे पत्थर ।

घालतो समजूत मनाची

नाही अपेक्षा सुखदुःखाची ।

जगणे मरणे त्याचे हाती

घाव झेलतो पुढे छाती ।

दार उघड हे स्वर्गाचे

राज्य इथे हे स्वार्थाचे ।

शोधतो अंश एक त्यागाचा

मात्र जागर होतो रागाचा ।

Sanjay R.