अजूनही आहे मला
तिचा खूप लळा ।
दुसरी कोणी नाही ती
आहे माझीच शाळा ।
वेळ होताच शाळेची
व्हायची पळा पळा ।
प्रार्थनेसाठी ग्राउंड वर
व्हायचे सारे गोळा ।
नंतर व्हायचे पिरेड
नियम गुरुजींचे पाळा ।
दंगा मस्ती करतच मग
अभ्यासाकडे वळा ।
चुकवण्या मार गुरुजींचा
नको ते सारे टाळा ।
नसेल केला अभ्यास तर
मित्रांना खूप छळा ।
नसेल केला गृहपाठ तर
कोरडा पडायचा गळा ।
तरीही शाळेचा आम्हास
होता खूपच लळा ।
Sanjay R.
