" कर ना काही तू खुलासा "

कर ना काही तू खुलासा

मिळेल मज मग दिलासा ।

प्रश्नांचे चक्र फिरते डोक्यात

सांगा स्वस्थ बसू मी कसा ।

जीवनाच्या गणिताचा हा खेळ

मांडला तुजपुढे जसाच्या तसा ।

जीवनाच्या खेळात धैर्य हवे थोडे

सोडू नको डाव मधेच तू असा ।

क्षण सुख दुःखाचे येती जाती

आसवा सोबत हवा थोडा हसा ।

Sanjay R.

" वेळ कुठे थांबतो "

वेळ कुठे हो थांबतो

पुढे पुढेच  तो जातो ।

आठवणी कालच्या

ठेऊन मागे जातो ।

होते काल जसे

दिवस उद्याचा नसतो ।

रूप रंग घेऊन वेगळे

उदय सूर्याचा होतो ।

चंद्रही रोजच आपले

रूप कसे बदलतो ।

पण आशेचा एक किरण

रंग जीवनात उधळतो ।

Sanjay R.

" झुळूक शीतल वाऱ्याची "

चाहूल तुझी मज वाटे

झुळूक शीतल वाऱ्याची ।

सहवास तुझा भासे जणू

सुखद रात्र ती ताऱ्यांची ।

श्वास होतो हळुवार मग

मिटते पापणी डोळ्याची ।

स्वप्नवत मी बघतो तुला

आठवण तुझ्या असण्याची ।

आठवतो मज तो मोगरा

होते जाणीव सुगंधाची ।

तूच फुलते मनात माझ्या

राणी तू माझ्या जीवनाची ।

Sanjay R.

" तुझ्या शिवाय जमणार नाही "

जाऊ नको माहेरी
तुझ्याशिवाय जमणार नाही ।
राग तुझा घालवू कसा
वाद मी करणार नाही ।
भावना तुझ्या कळल्या
दुःख तुला देणार नाही ।
नेहमी तू हसत राहा
हसेल सोबत तुझ्या मीही ।
दागिने हवे की साडी
मन तुझे मोडणार नाही ।
सोन्या नाण्याची हौस तुझी
पगारात माझ्या जमवेल काही ।
जमेल ते मी करेल सारे
रुसू तुला मी देणार नाही ।
प्रेमात तुझ्या वेडा मी
प्रेम कधी सोडणार नाही ।
सासर माहेर तुझेच घर
पण मी सासरी येणार नाही ।
तू पण तिथे नको जाऊस
इथेच आपण करू काही ।
Sanjay R.

" वारा ही स्तब्ध होतो "

सम्पताच वादळ मोठे

वारा ही स्तब्ध होतो ।

उपद्व्याप काय केले

आढावा त्याचा घेतो ।

उडालेले घराचे छत

धाराशाई झालेली झाडे ।

काळजी ने ग्रस्त माणसे

त्यांच्या डोळ्यातली आसवे ।

चिव चिव करणारी पाखरे

आडोसा शोधणारे जीव ।

मावळलेल्या आशा

पदरात असलेली निराशा ।

लागतो वेळ थोडा पण

सवरतात दुःखातून सारे

परत वाहतात निशब्द वारे ।

Sanjay R.