" तुझ्या शिवाय जमणार नाही "

जाऊ नको माहेरी
तुझ्याशिवाय जमणार नाही ।
राग तुझा घालवू कसा
वाद मी करणार नाही ।
भावना तुझ्या कळल्या
दुःख तुला देणार नाही ।
नेहमी तू हसत राहा
हसेल सोबत तुझ्या मीही ।
दागिने हवे की साडी
मन तुझे मोडणार नाही ।
सोन्या नाण्याची हौस तुझी
पगारात माझ्या जमवेल काही ।
जमेल ते मी करेल सारे
रुसू तुला मी देणार नाही ।
प्रेमात तुझ्या वेडा मी
प्रेम कधी सोडणार नाही ।
सासर माहेर तुझेच घर
पण मी सासरी येणार नाही ।
तू पण तिथे नको जाऊस
इथेच आपण करू काही ।
Sanjay R.

" वारा ही स्तब्ध होतो "

सम्पताच वादळ मोठे

वारा ही स्तब्ध होतो ।

उपद्व्याप काय केले

आढावा त्याचा घेतो ।

उडालेले घराचे छत

धाराशाई झालेली झाडे ।

काळजी ने ग्रस्त माणसे

त्यांच्या डोळ्यातली आसवे ।

चिव चिव करणारी पाखरे

आडोसा शोधणारे जीव ।

मावळलेल्या आशा

पदरात असलेली निराशा ।

लागतो वेळ थोडा पण

सवरतात दुःखातून सारे

परत वाहतात निशब्द वारे ।

Sanjay R.

" ठरवले जे मनात काही "

ठरवले जे मनात काही

सुरळीत ते होतच नाही  ।

अवस्था मनाची त्राही त्राही

विचारांची तर होते लाही ।

वेदना साऱ्या दिशा दाही

दुःख कुणाचे कोण पाही ।

जगतो कुणी जीवन शाही

मरतो गरीब याची देही ।

Sanjay R.

" उगाचच होतात भास "

उगीचच होतात भास
मग संथ होतात श्वास ।
दरदरून फुटतो घाम
होतो जीवाला त्रास ।
स्वप्नांची असते दुनिया
नको नको ते आभास ।
तडफड चालते माझी
सोडवून घेण्याचे प्रयास ।
गळ्याला पडते कोरड
आवळतो कुणीतरी फास ।
का कशाला होते असे
लागतो एकच ध्यास ।
उलगडता उलगडत नाही
काय रहस्य असावे त्यास ।
स्वप्नातल्या आकृत्यांचा
कशासाठी असतो हव्यास ।
विचारांचा असावा खेळ
तुटतो माझ्यातलाच विश्वास ।
Sanjay R.

" डोळे मिटून पाहताना "

डोळे मिटून बघतो

माझा मीच  मला ।

अंधार दाटतो पुढ्यात

दिसेल कसे तुला ।

वर खाली  होतो जेव्हा

अंतर मनातला झुला  ।

विचारांचे ढग येतात 

मी मात्र होतो खुला ।

आकृती एक फेर धरते

वेगळाच असतो ताल ।

धारातीर्थी पडतो देह

नका विचारू माझे हाल ।

Sanjay R.