" विरह सरता सरेना "

होईना सहन मजला

उणीव तुझीच भरेना ।

अंतरी तुझाच विचार

विरह सरता सरेना ।

आठवणी उरल्या आता

विचार मनाचे थांबेना ।

ये परत तू परतुनी

श्वास तुझ्याविना चालेना ।

नौका जीवनाची अडली

तुझ्या विना तीही हालेना ।

Sanjay R.

" मनात तुझ्या काय "

मनात तुझ्या काय

आज तरी सांग ना

जाऊ नकोस दूर तू

जरा थोडसं थांब ना

वाटेवर असतात डोळे

भिरभिरत असते नजर ।

वाटते तूच ती असावी

नि हृदयात वाजतो गजर ।

होतील संथ जरी श्वास

पण मी थकणार नाही ।

आस तुझीच आहे मनात

मनही देतं त्याला ग्वाही ।

दिवस सरो वा रात्री किती

तुझ्यासाठीच जगतो मी ।

तू आली की वाटेल बरे

इच्छा शेवटची आहे ही ।

Sanjay R.

" सांभाळून घेशील तू "

दूर किती मी या परदेशी
प्रकुर्ती आई तुझी ग कशी ।
बाबा आहेत ना ठीक
कोरोनाने गमावली खुशी ।
लागली एकच काळजी
हालचाल कुणाची कशी ।
विचारतो मी देवाला
जाईल कधी आई पाशी ।
नाळ जुळली आहे जिथे
नाते माझे आहे त्या घराशी ।
रात्र असते विचारांची
डोळे पुसून ओली होते उशी ।
येतील कधी परत ते दिवस
भेटीसाठी भुकेला मी उपाशी ।
सांभाळून घेशील ना तू देवा
करतो याचना मी तुजपाशी ।
Sanjay R.

" उशिरा का होईना "

उशिरा का होईना पण

झाले सारेच सुरळीत ।

होती किती हो चिंता

सगळेच होते काळजीत ।

लग्न जुळेना किशोरचे

बघायचा मग तो शून्यात ।

सूर्याच्या किरणासोबत

किणकिणला फोन सुरात ।

आनंदी झाले वातावरण

हसले सारेच मग घरात ।

बातमी होती आनंदाची

येणार पाहुणी होती दारात ।

लग्न जुळले किशोरचे

बाकी उरली आता वरात ।

मग दिवस आला लग्नाचा

पण बंद सारे कोरोनात ।

घरी उदास झाले सारेच

मनच लागेना मग कशात ।

कशीबशी भरली एक गाडी

विसच जण होते लग्नात ।

नवी नवरी आली हो घरी

बघा किशोर किती आनंदात ।

मिटली सगळ्यांची काळजी

आणी जीव पडला भांड्यात ।

Sanjay R.

" मांडू कसे मी शब्दात "

मनातल्या भावना माझ्या
मांडू कशा मी शब्दात ।
काय लिहिले भगवंताने
कळेना मज प्रारब्धात ।
आला दिवस सरतो कसा
कळेना या आयुष्यात ।
प्रवास तर निरंतर चालला
थांबेल कधीही क्षणात ।
सूर्य चंद्र आणि नक्षत्र
येती जाती रोजच गगनात ।
चित्र बदलते या धरेवरचे
निसर्गाच्या काय मनात ।
पूर पाणी कधी महामारी
आघात होती माणसात ।
खांदाही दुर्लभ कधी
उरलेच काय या जीवनात ।
Sanjay R.