" सोबत असावी शांतता "

कुठे युद्ध कुठे महामारी

नाही कुठेच शांतता ।

चढाओढीच्या धावपळीत

थकलो किती मी आता ।

मनात भीतीच्या किती शंका

चित्र बदलते पाहता पाहता ।

मनःशांतीचा ध्यास मनात

सोबत असावी शांतता ।

सोडून सारे दूर जावे

नको वाटते सारे आता ।

Sanjay R.

" दिसू दे मज किनारा "

चला जाऊ कुठे तरी दूर
होऊन लाटेवरती स्वार ।
लढायचे आहे अजून बाकी
नाहीच मानायची हार ।
उघडा शास्त्र बघा जरा
कशी बोथट झाली धार ।
संघर्ष आहे या जीवनात
आहेत करायचे वार ।
हारू नका हो खचू नका
सोडा सारेच विचार ।
लढा एकच हे युद्ध अंतिम
होऊ विजयावरती स्वार ।
समोरच आहे किनारा
सुटेल मागे सारा भार ।
Sanjay R.

" लागली चाहूल "

पहाटेचा गार  गार वारा

लुप्त होतो आकाशी तारा ।

सूर्य बघतो डोकावून जरा 

प्रकाशित होतो आसमंत सारा ।

किलबिल पक्षांची त्यांचाच तोरा

लागली चाहूल नाच रे मोरा ।

Sanjay R.

" पूरे तुझे बहाणे "

अचानक तुझे येणे

आणि निघून जाणे ।

त्यातही होते तुझेच

न कळणारे तराणे ।

वाटायचं कधी मग

हे तर रोजचेच गाणे ।

नकोच वाटे आता

कर पुरे तुझे बहाणे ।

स्वछंद जगायचे आता

बंदिस्त नको जगणे ।

नाही भीती कशाची

शेवटी तर आहेच मरणे ।

Sanjay R.

" एवढेच काय ते मागणे "

नाही कशाचे मागणे

सारेच मज लाभले ।

देवा तुझ्याच कृपेने

जीवन माझे हे फुलले ।

काय मागू मी तुजपाशी

दे मन जसे आभाळ खुले ।

परपकारी होऊ दे मज

जशी देवावरची फुले  ।

हवा भाव मज निरागस

कुविचारांचे नको झुले ।

लोभ  मत्सर विनाशक

प्रेमानेच तन मन डोले  ।

Sanjay R.