कठीण हा प्रवास
एकट्याने कसा करायचा
हवी साथ आपल्यांची
क्षण आनंदाने जगायचा ।
एकीत बळ किती
मिळून भार उचलायचा ।
सारेच होईल हलके
आनंद जीवनाचा अनुभवायचा ।
Sanjay R.
Saturday, March 6, 2021
Thursday, March 4, 2021
" ओळखी अनोळखी "
चला जाऊ या आता मंगळावर
असू द्या ना ती जागा अनोळखी ।
असेल अन्न निवारा हवा पाणी
जगायला हवेच काय आणखी ।
करू सारे नवी जागा नवी नाती
इथे तर आता उरलेच काय बाकी ।
माणूस माणसाच्या जीवावर उठलाय
पृथ्वीवर उरलीच नाही आता माणुसकी ।
जो तो बसला आहे इथे लुटायला
नवीन लोकांशीच करू तिथे ओळखी ।
Sanjay R.
Tuesday, March 2, 2021
" पहिला आनंदोत्सव "
कसा असेल तो त्यावेळी
आनंदाचा उत्सव पहिला ।
स्वातंत्र्य मिळाले देशाला
तिरंगा आकाशी फडकला ।
अजूनही मिरवतो तसाच
अभिमान वाटतो आम्हाला ।
स्वातंत्र्याचा रंगच वेगळा
करतो नमन झेंड्याला ।
जय जय भारत माता
स्यालुट आमचा देशाला ।
Sanjay R.
Sunday, February 28, 2021
" मनाचे समाधान "
धडपड सारी चाले
हवे मनाचे समाधान ।
जगायला काय हवे
विचारांचे आदान प्रदान ।
हवे थोडे ज्ञान विज्ञान
हवा थोडासा मान सन्मान ।
माझे माझे म्हणती किती
त्यातच वाटे त्यांना शान ।
लुटतो माणूस माणसाला
उरले कुठे माणुसकीचे भान ।
Sanjay R.
Saturday, February 27, 2021
" नको तो राग "
नको ते राग सांभाळणे
आहे कार्य कठीण फार ।
पायाखाली नसते जमीन
दूर जातात सारे आधार ।
मुखात असेल ताकत तर
होतो समोरचा मग गार ।
नाहीतर नक्कीच भेटेल
अंग फुटेस्तो पक्का मार ।
Sanjay R.
Subscribe to:
Posts (Atom)