" नको मनात अहंकार "

नको मनात अहंकार
वाईटच हा संस्कार
साधा सरळ आचार
नको वाईट विचार
हा आयुष्याचा आधार
करावे थोडे उपकार
वाटेल हलका भार
असता हाच सार
जीवनात तारे चार
Sanjay R.

" लेक पडावी सुखात "

विचार एकच लेक पडावी सुखात

राहील ना मी थोडासा दुःखात ।

समाजाची चिंता असे डोक्यात
असो वा नसो पैसा खिशात ।

करायचे लग्न ब्यांडच्या ठोक्यात
वस्ताद सासरचे दुषणं देण्यात ।

कमी नको पडायला काही कशात
उधळतो पैसा नी डुबतो कर्जात ।

इज्जत प्यारी दिसते डोळ्यात
असह्य झाले तर फास गळ्यात ।
Sanjay R.

" आमच्या गावचा शिरपा "

ओयखता का हो तुम्ही

आमच्या गावचा शिरपा ।

काय म्हनावं बा त्याले

एका डोळ्यानं तिरपा ।

करून मोल मजुरी 

थो कसा तरी जगते ।

पोरी त्याले सात पर

वाट पोराचीच पायते ।

लेकरायची न्हाई सोय

पोरगच पायजेन म्हनते ।

बायकोबी तशीच त्याची

तिले बी काय कयते ।

लेकरायचे हाल पाहून

मन साऱ्यायचं जयते ।

पर शिरपा न्हाई मानत

थो पोरकडच पयते ।

Sanjay R.

" करू नको तू परका मजसी "

मनाने मी हा झालो तुझा

विचार असतो मनात तुझा ।

बंध म्हणू की ऋणानुबंध 

आस मनाची आभास तुझा ।

चाले निरंतर एकच ध्यास

सांगते स्वप्नही निरोप तुझा ।

हसली रुसली मनात बसली

जगतो आठवत श्वासही तुझा ।

करू नको तू परका मजसी

हवा मजला सहवास तुझा ।

Sanjay R.

" एक पाऊल पाहिले "

एक पाऊल पहिले 

नक्की बसवेल जम ।

व्यर्थ नाही हो जात

केलेले सारे श्रम ।

नका बाळगू आता

मनात कुठला अहम ।

टाका काढून थोडा

असेल जो भ्रम ।

ठेवा शांत चित्त आणि

नजर थोडी नम ।

यश असेल हाताशी

जीवनाचा हाच क्रम ।

Sanjay R.