" काहूर उठलं पुन्हा "

थंडी सुरू झाली कशी

यात सांग कुणाचा गुन्हा ।

आठवण आली तुझी

नि काहूर उठलं पुन्हा ।

आहेस कुठे तू सांगना

माझा मीच झालो सुना ।

बघतो दूर  तिथे शुन्यात

घाव आहे कुठे तो जुना ।

Sanjay R.

" देऊ कसे सोडून सारे "

प्रवास हा जीवनाचा

देऊ कसे सोडून सारे ।

जीव छोटासा मुंगीचा

हट्ट किती जगण्याचा ।

कण कण गोळा करी

विचार कुठे मरणाचा ।

जीवन हे अनमोल किती

शोधू क्षण आनंदाचा ।

सारून दूर दुःख सारे

करू प्रयास हसण्याचा ।

बघ जरा तू दूर गगनात

ताप किती त्या सूर्याचा ।

दूर सरतो अंधार सारा

शीतल प्रकाश चंद्राचा ।

उठ मानवा जागा हो

सोड विचार जाण्याचा ।

Sanjay R.

" दिव्यातली वात "

जळते जेव्हा दिव्यात वात

तेलाची असते वातीला साथ ।

करूनीया पुढे प्रकाश हात

 करतो कसा अंधाराचा घात ।

अशीच सरते आयुष्याची रात

उजेडाची काळोखावर मात ।

रात्र निघता मग होते प्रभात

चांदणी कशी ती होते अनाथ ।

Sanjay R.

" माझी कविता "

आठवण आली तुझी की

सुचतात मला शब्द ।

नसतीस तू सोबतीला तर

बसलो असतो ना स्तब्ध ।

प्रयत्न तर खूप करतो

माहीत नाही कसे हे प्रारब्ध ।

हवी तुझी साथ मला

तुझ्यातच व्हायचं मला मुग्ध ।

Sanjay R.

" क्षण चार आनंदाचे "

घ्या जगून 

दिवस चार हे जीवनाचे ।

धडपड जगण्याची

दिवस सारेच हे कष्टाचे ।

दिवस एक तो

येई आमंत्रण मरणाचे ।

उरेल मागे

सुटेल क्षण ते जगण्याचे ।

हवे मनाला

काहीच धागे ते उरण्याचे ।

सुख दुःख सोबती

वेचू चला क्षण आनंदाचे ।

Sanjay R.