" नको होऊ हताश "

होऊ नको हताश
चल पुढे जरा ।
विजय दारात आहे
वेळ करा वा मरा ।
दुःख सुखाची पायरी
येतो नशिबाचा फेरा ।
धैर्य नको तू सोडू
तुटेल कठीण तो घेरा ।
सुख येईल जवळ
जगण्याची ही तऱ्हा ।
Sanjay R.

" बालपणातली मैत्री "

बालपण असतेच अनोखे

चाले दंग मस्ती मित्रांसंगे ।

ना कशाची चिंता न काम

खेळा पळा चाले फक्त दंगे ।

मैत्री बालपणातली मस्त

मग रोजच चालायचे पंगे ।

शाळा असोवा मैदान खेळाचे

मस्तीत असायचे सारेच चंगे ।

खायचे असो वा खेळायचे

वाटून घ्यायचे साऱ्या संगे ।

वाटत अजून यावेत दिवस ते

हवेत मित्रही तसेच लफंगे ।

Sanjay R.

" तू स्वप्न परी "

तू स्वप्नातली परी

शोभते इंद्र दरबारी ।

सौंदर्याची मालिका

वेशभुषा भरजारी ।

चमचमते अलंकार

रत्न माणके भारी ।

भासे मज तू अशी

कोण कुठली नारी ।

रुणझुण करी पैंजण

आभास मनोहारी ।

नित्य बघावे तुज

होईल तीच वारी ।

लुटले हृदय माझे

वाट बघतो दारी ।

Sanjay R.

" मोडू नको रे सख्या "

मोडू नको रे सख्या

लग्नाचा हा बंध ।

लाव जीव थोडा

बघ येईल सुगंध ।

नव्हती ओळख 

कुठली पाळख ।

तरीही झाले रे मी

बघ तुझ्यातच धुंद ।

नको करू काळोख

होईल मी अंध ।

जडली रे प्रीत आता

तूच माझा आनंद ।

Sanjay R.

" मनात आशा "

जगतो ठेऊन मनात आशा

कुठे मिळेल कुठली दिशा ।

दिवस रात्र पळापळ नुसती

वाजतो कष्टाचा ढोल ताशा ।

ध्येय अंतिम काय कुणाचे

पैसा पैसा बस एकच भाषा ।

दिवस रात्री किती सरल्या 

उरल्या शेवटी काळ्या रेषा ।

Sanjay R.