चला करू आपण सारे
आज अनोखी वारी ।
काय महत्व जीवनात या
सांगतो तुझे ग नारी ।
पाठ पंढवते संस्कारांचे
आहेस किती तू विचारी ।
शिक्षित करते घर सारे
घरची शान आहे नारी ।
माणूस म्हणे मी कामी
असेल रिकामा तो जरी ।
भार उचलते स्त्रीच सारा
असू दे कितीही भारी ।
घेऊन ती अचूक निर्णय
देई आनंदाची फेरी ।
नारी विना तर होईल काय
जगत जननी तू भारी ।
अंबा जगदंबा लक्ष्मीही तू
पूजन होई घरो घरी ।
विरांगणेची गाथा तुझीच
स्तवन करतो सारी ।
Sanjay R.
