" नाती गोती "

आयुष्याचे मोल काय

अजून का हे कळले नाय ।

लुटारूंचा बोल बाला

भोगवाद्यांचा अजब न्याय ।

कष्टकऱ्यांचे आटते रक्त

सहन करतो सारे अन्याय ।

अधांतरीच स्वप्न सारी

जसे वाळूवरती उभे पाय ।

लाट येताच पाण्याची

कण कण वाळू निघून जाय ।

नाती गोती सरती सारी

नसती सोबत बाप माय ।

स्वाहा होते नश्वर शरीर

राख उरते किंमत काय ।

Sanjay R.

" दिवस होते ते मौजेचे "

लहानपण आठवते मला

दिवस किती होते ते मौजेचे ।

वाटतं अजून व्हावं लहान

खेळ खेळावे लहानपणीचे ।

दंगा मस्ती खो खो हसणे

विसरलो प्रसंग गमतीचे ।

शाळा अभ्यास पाटी पुस्तक

धपाटे आठवतात गुरुजींचे ।

आईही द्यायची शिक्षा घरात

अश्रू डोळयातून निघायचे ।

मोठेपणाचा देखावा आता

हुंदके हृदयातच ठेवायचे ।

Sanjay R.

" फुलले चांदणे अंगणात "

रात्र होता अंधार दाटतो

सूर्य पल्याड विसावतो ।

फुलले चांदणे अंगणात या

चन्द्र ढगाआडून डोकावतो ।

बेधुंद झाली रात राणी

सुगन्ध तिचा तो दरवळतो ।

रातकीडयांनी ताल धरला

मधेच काजवा लुकलूकतो ।

वृक्ष वेली घेती झोका

हळूच वारा सळसळतो ।

दूर जळते एक पणती

जीव माझा धडधाडतो ।

Sanjay R.

" हा उनाड वारा "

सांगू कसे मी कुणा

किती हा उनाड वारा ।

बेचैन होते मन

बारसतात जेव्हा धारा ।

होतो सूर्य ढगाआड

होई शांत तेव्हा पारा ।

गंध मातीचा सुटे

भिजे चिंब पसारा ।

होता शांत वारा आणि

चमचमतो तारा ।

Sanjay R.

" होते कधी पहाट "

होते कधी पहाट

कधी होते रात्र ।

बिघडले सारे आता

दुनियेची या तंत्र ।

घरातच राहा

जाऊ नका बाहेर ।

पाळा एकच हा

जीवनाचा मंत्र ।

दिवस हे आलेत कसे

नाही उरला टाळतंत्र ।

का हिरावले माणसा

तूच तुझे स्वातंत्र्य ।

Sanjay R.