होते कधी पहाट
कधी होते रात्र ।
बिघडले सारे आता
दुनियेची या तंत्र ।
घरातच राहा
जाऊ नका बाहेर ।
पाळा एकच हा
जीवनाचा मंत्र ।
दिवस हे आलेत कसे
नाही उरला टाळतंत्र ।
का हिरावले माणसा
तूच तुझे स्वातंत्र्य ।
Sanjay R.
Monday, September 28, 2020
Sunday, September 27, 2020
" मनातलं वादळ "
मनात वादळ माझ्या
असा मी आहे कसा ।
सहजच आला विचार
का आहे मी असा ।
आहे का दिसतो जसा
की फक्त वाटतो तसा ।
या ना थोडे तुम्ही बसा
रुसू नका, थोडे हसा ।
सुखी जीवनाचा तर
आहे एकच वसा ।
जीवन असले जरी
दुःखाचा एक फासा ।
तोडून सारे पाश
हसा तुम्ही हसा ।
Sanjay R.
Monday, September 21, 2020
" अपूर्ण स्वप्न "
स्वप्न होते एकच
राहिले ते अपूर्ण ।
आशा या डोळ्यात
होणार कधी सम्पूर्ण ।
सरल्या कितीक रात्री
अखंड डोळ्यांचे धरणे ।
उघड्या डोळ्यांनी बघतो
माझे मीच मरणे ।
उत्सव होतो साजरा
लावून दारांना तोरण ।
फुले गेली कोमेजून
हेच अंतिम चरण ।
Sanjay R.
Sunday, September 20, 2020
" तुझे माझे नाव "
आहे एक गाव
त्याला तुझे माझे नाव ।
उठताच सकाळी
होते लोकांची धावाधाव ।
दिवसभर चाले कस्ट
होई जीवाची काव काव ।
कोणी मारे गरीबावर
आपल्या अमिरीचा ताव ।
पोहोचता घरात
उतरते सारी झाव ।
गरिबी हटत नाही
काय अस्तित्वाचा भाव ।
Sanjay R.
Friday, September 18, 2020
" माणूस म्हणजे काय "
माणूस म्हणजे कथा
व्यक्त करतो व्यथा ।
घ्याल लिहायला तर
होईल मोठी गाथा ।
करतो तो पालन
प्रत्येक पूर्वापार प्रथा ।
होते सुरुवात इतिने
निरंतर तो झटतो स्वतः ।
अंत येता होतो दूर
ठेऊन पायरीशी माथा ।
सम्पत नाही कहाणी
उरते सारे जाता जाता ।
Sanjay R.
Subscribe to:
Posts (Atom)