धकाधकीच्या या जीवनात
हवा विरंगुळा काही क्षणाचा ।
येईल मन विसवून थोडे
आनंद किती या जीवनाचा ।
चाले सदा धावपळ किती
प्रश्न मोठा या पोटाचा ।
रक्ताचे होते पाणी आणि
पालथा डोंगर कष्टाचा ।
मैत्री नाते बंध किती हे
धागा कसा या जीवनाचा ।
अंत हे तर पूर्णच सत्य
विचार नकोच दुःखाचा ।
Sanjay R.
बाबू घे ना हातात ईळा
पर लटकवू नको गळा ।
टाक ना कापून तन
पिकन जास्त मन दोन मन ।
येईन पैसा हातात त
लागण तुह्याचं कामात ।
पैशानच होते बापा सारं
दुःख गरीबच नाही बरं ।
लेकरायले नाही शाळा
चालते निस्ता खेळा ।
पडलं कोणी बिमार पोट्ट
औषध कुठी न डॉक्टर कुठी ।
मेहनतीवर तुयाच बापू
वाजते राजकारणात भोपु ।
नशीबच तुह गा फुटक
आयुष्यही झालं तुटक ।
कधी निसर्गाचा घात
धुते व्यापारी बी हात ।
पर हारू नको असा
दिवस तुह्या बी येईन तसा ।
सोडू नको गा मेहनत
नशीब फिराले येळ नाही लागत ।
Sanjay R.
तू कोर चंद्राची
राणी आहेस अंधाराची ।
टीम टीमती तारे
सभा आकाशाची ।
धराही फुलली
चमचम काजव्याची ।
ताल सूर जमला
मैफिल रातकिड्यांची ।
मधेच डोकावून जाती
आरास तिथे ढगांची ।
उठून सारे जाती
लागता चाहूल सूर्याची ।
Sanjay R.
