" अंतरातला विश्वास "

नातं असो वा गोतं

महत्वाचा तर विश्वास ।

नको घेऊस शंका

करू नकोस परिहास ।

कालही होता आजही आहे

अजूनही तोच ध्यास ।

विचार तू मनाला

तिथेही तोच आभास ।

तुझ्यात आणि माझ्यात

दूर आहे एक श्वास ।

तोडू नकोस असा

अंतरातला तू विश्वास ।

Sanjay R.

" बंदच झाली खरेदी "

दिवस कसे पालटले

बंदच झाली खरेदी ।

घरात बसून आता

मिळाली ना आजादी ।

लग्नाचा सिझन हा

असाच सम्पेल आता ।

परीक्षा निकाल सुट्ट्या

होईल सारीच कथा ।

आंबे कुरोडी पापड

सगळं फक्त आठवायचं ।

धैर्य आणि विश्वास 

सांभाळून सारं ठेवायचं ।

जातील हेही दिवस आता

नका घाबरू हो कशाला ।

येयील परत तोच आनंद

राहा  तयार आता जगायला ।

Sanjay R.

" रंग आनंदाचा कुठे "

आले दुःखाचे वादळ इथे

डोक्यावर चिंतेचा बोझा 

चिंता आपलीच घ्यायची

नाही कोणी तुझा माझा ।

नाही हाताला उरले काम

डोक्याला विचारांचा भार ।

बघत असतो दिवसभर

उघडून हळूच थोडेसे दार ।

होईल काय कसे बघा उद्या 

होते डोके आता जड ।

पैसा खिशातला सरला

सुटेल का सांगा पोटाची नड ।

Sanjay R.

" ब्रेक अप जीवनाचा "

रोजच वाढत आहे 

आता टेन्शन ।

वाटतं जीवनानेच

घेतली आता पेन्शन ।

मनात येतं वारंवार

शरीर झालं रिटायर्ड ।

झोपायचे सांगा किती

पाठ झाली टायर्ड ।

मधेच वाटतं काही खावं

पोटाला सुटली हाव ।

काम धाम झाले बंद

करायची कशी धावाधाव ।

वाढेल म्हणतात परत 

लॉक डाऊन  आता ।

राहायचे घरातच एकटे

करत मनाशीच बाता ।

जीवनाचा हा ब्रेक अप

जीवनाशीच होतोय ।

मनातले सारे विचार

मनातच आता ठेवतोय ।

Sanjay R.

" लढते घरात नारी "

गरीबाच्या घरी
अठरा विश्व दारिद्र्य
दोन हात करत
लढते घरात नारी ।

मुखकमलावर आनंद

बघाया प्रयत्न तिचे
थांबवते दुःख सारे
दूर अंगणाच्या दारी ।

असेल नसेल जरी
घरात काही ही
संसार नेटका करण्या
चाले प्रयत्न भारी ।

घरात मग नांदे
सुख आणि समाधान
मानून आभार देवाचे
घडवते पंढरीची वारी ।
Sanjay R.